Ermənistandakı daxili siyasi təlatümlər Qarabağ nizamlanmasına dair üçtərəfli bəyanatların icrasını təxirə sala bilər və bu mənada tətbiqetmənin effektivliyinə təsir edə bilər. Ancaq eyni zamanda, Ermənistanda hansı gücün hakimiyyətdə olacağından asılı olmayaraq, o, Qarabağla bağlı razılaşmanı yerinə yetirməli olacaq. SİA xəbər verir ki, bunu Rusiya Federasiyası Dövlət Dumasının MDB işləri, Avrasiya inteqrasiyası və həmyerlilərlə əlaqələr komitəsinin sədri Leonid Kalaşnikov Moskva-Baku.Ru-ya deyib.
“Qeyri-sabitlik həmişə diqqəti yayındırır. Və bu, qeyri-sabitlik Qarabağda sülhə doğru irəliləmənin sürətinə təsir edəcəkdir. Ancaq eyni zamanda, bu, üçtərəfli razılaşmanı pozmayacaq və dəyişdirməyəcək - Ermənistanda kim hakimiyyətə gəlsə də, nə qədər qisas çağırışı olsa da. Razılaşma dəyişdirilə bilməz. Hər şey üç dövlət tərəfindən qəbul edilir. Ermənistandakı etirazçılar da bu reallığı başa düşürlər- Rusiya və Azərbaycan onların əylənəcəkləri, şıltaqlıq edəcəkləri oyunçu deyillər. Onlar düşünürlər ki, hakimiyyətə gələcəklər, “kağız parçası”nı kənara atacaqlar? Bəs bundan sonra nə olacaq? Qarabağa qoşun gətirəcəklər? Rusiya sülhməramlıları orada dayanıb. Buna görə intiqam ssenarisini həyata keçirmək cəhdi axmaqlıqdır. Ermənistandakı müxalifətçilər axmaq insanlar deyillər. Revanşist açıqlamalar verməklə, ölkədə mövcud olan çətinlikləri, daxili siyasi problemlərini həll etməyə çalışırlar. Ən inkişaf etmiş ölkələrin hər hansı birindəki müxalifət daima vəziyyətdən istifadə etməyə çalışır. Hər hansı bir ölkədə, hakimiyyəti və ya onun bir hissəsini öz əllərinə almaq üçün mövcud hakimiyyətin səhvlərindən (və ya düşündükləri kimi, səhvlərindən) istifadə edirlər. Deyək ki, iqtidara gəldilər. Ancaq mövcud reallıqlarda Rusiya və Azərbaycanla yanaşı yaşamalı və danışıqlar aparmalı olacaqlar, anlaşmanı dəyişdirməyin mümkün olmadığını başa düşəcəklər, çünki hesablaşmalı olduqları 2 ölkə var. Bunu indi də başa düşürlər.
Eyni zamanda, əminəm ki, üçtərəfli sazişin həyata keçirilməsinin və bölgədəki sülhə doğru hərəkətin təsiri Azərbaycanın Qarabağda və ətrafındakı azad edilmiş bölgələrdə necə həyat quracağından da asılıdır. Yalnız yaxşı işlər hər kəs üçün- azərbaycanlılar, ermənilər və bu ərazilərdəki digər millətlərin nümayəndələri üçün həyatın yaxşı, maraqlı və firavan olacağına hamını inandıra bilər. İnfrastrukturu bərpa etmək, ticarət əlaqələri qurmaq və həyatı yaxşılaşdırmaq lazımdır. Və sonra xalqlar və dövlətlər arasında yaxınlaşma olacaq”- Dövlət Duması komitəsinin rəhbəri deyib.
Elçin
Bütün xəbərlər Facebook səhifəmizdə
USD
EUR
GBP
RUB