“Ölkə Prezidenti İlham Əliyevin sərəncamı ilə növbədənkənar Azərbaycan Respublikası Prezidenti seçkilərinin aprelin 11-nə təyin olunması müsbət addımdır. Çünki bu addım bilavasitə Azərbaycanın milli maraqlarına və inkişafına xidmət edən bir sərəncamdır". Bunu SİA-ya açıqlamasında Azərtbaycan Milli QHT Forumunun prezidenti Rauf Zeyni deyib.
O bildirib ki, ölkədə keçirilən seçkilər və onun nəticələri ölkədə sabitliyin və inkişafın qarantıdır: "Bu baxımdan seçkilərin aprel ayında keçirilməsi Azərbaycanın milli maraqlarına xidmət edər”.
Rauf Zeyni növbədənkənar seçklilərin keçirilməsinin QHT-lər üçün də vacib olduğunu vurğulayıb.
Forum prezidenti əlavə edib ki, QHT-lər cari ildə mühüm tarixi hadisələrlə bağlı fəallıq göstərəcəklər: "Bildiyiniz kimi 2018-ci ildə Ümummilli lider Heydər Əliyevin 95 illiyi, Azərbaycan Xalq Cümhuriyyətinin 100 illiyi qeyd olunacaq. Bu tarixi hadisələrlə bağlı mühüm tədbirlərin keçirilməsi nəzərdə tutulur ki, QHT-lər həmin tədbirlərdə fəallıq göstərəcəklər".
Qeyd edək ki, Azərbaycan Prezidenti İlham Əliyev növbədənkənar prezident seçkilərinin keçirilməsi ilə bağlı sərəncam imzalayıb. Sərəncama əsasən Prezidenti seçkiləri 2018-ci il aprelin 11-nə təyin olunub.
Bütün xəbərlər Facebook səhifəmizdə
USD
EUR
GBP
RUB