Bu gün Astanada ilk dəfə İslam Əməkdaşlıq Təşkilatının (İƏT) elm və texnologiya üzrə sammiti başlayır. SİA-nın xarici mətbuata istinadən verdiyi xəbərə görə, Qazaxıstan prezidenti Nursultan Nazarbayevin sədrlik etdiyi sammit 2 gün davam edəcək. Sammitdə 80-ə qədər dövlət və təşkilatın nümayəndələri, müşahidəçi ölkələr, o cümlədən beynəlxalq və regional təşkilatların təmsilçiləri qatılıblar. Azərbaycan prezidenti İlham Əliyev sammitdə iştirak edəcək. Sammit "İslam dünyasında elm, texnologiya, innovasiya və modernləşmə!" şüarı ilə keçirilir və bu gün başa çatacaq "EKSPO-2017 Astana" beynəlxalq sərgisinin bağlanışına həsr olunub. Türkiyə sammitdə Myanmada Arakan müsəlmanlarının problemini qaldırmaq niyyətində olduğunu açıqlayıb. Sammitdə islam aləmində elmi-texnoloji modernləşməyə siyasi dəstək verilməsinə çağıran Astana Bəyannaməsinin qəbul edilməsi gözlənilir. Sammit çərçivəsində İƏT-in elm və texnologiya üzrə mükafatları da təqdim olunacaq.
Bütün xəbərlər Facebook səhifəmizdə
USD
EUR
GBP
RUB