"Azərbaycan tərəfinin işğal altında olan torpaqlarının azad edilməsi üçün genişmiqyaslı hərbi əməliyyatlara başlayacağı təqdirdə erməni generalıının guya neft kəmərlərinin raketlə vuracaqları barədə bəyanatının heç bir əsası yoxdur. Əvvəla onu qeyd edim ki, Ermənistan tərəfinin bu yön bəyanatları dəfələrlə səsləndirilib və heç bir məntiqi sonluqla bitməyib". Bunu SİA-ya politoloq Vasif Əfəndiyev deyib.
Politoloqun sözlərinə görə, Dağlıq Qarabağın işğaldan azad olunmasına yönəlik hərbi əməliyyatlar başlayarsa, şübhəsiz ki, Ermənistandan qat-qat güclü olan Azərbaycan ordusu qarşı tərəfə kifayət qədər güclü zərbələr endirəcək: "Lokal əməliyyatlar zamanı ordumuz bunu dəfələrlə sübut edib, ermənilərin saxta generalının bu bəyanatı sahibinə güvənən köpəyin cəsarəti qədərdir. Məlumdur ki, Qarabağ torpaqlarını keçmiş Sovet ordusu və indiki Rusiya tərəfi işğal edilərək Ermənistanın adına yazdırıb. Rusiyanın icazəsi olmadan Ermənistan Azərbaycan tərəfə bir mərmi belə atmağa cürət etməz. Neft kəmərini partlatmaqla təhdid edən saxta general unutmasın ki, Azərbaycan neftinin təhlükəsizliyinin qarantı Qərb və Avropa birliyi ölkələridir. 1994 -cü ildə Ümummilli Lider Heydər Əliyev tərəfindən imzalanan Əsrin müqaviləsində neftin təhlükəsizliyi əsas prioritet təşkil edir. Əgər Rusiya tərəfi cəsarət edərək erməni adına neft kəmərinə saldırarsa, qarşısında neftin təhlükəsizliyinə təminat verən dövlətləri görəcək. Unutmayaq ki Azərbaycan neftinin əsas alıcıları da məhz həmin dövlətlərdir".
Bütün xəbərlər Facebook səhifəmizdə
USD
EUR
GBP
RUB