Türkiyədə Yüksək Hərbi Şuranın iclası başlayıb. Ankarada Türkiyə Silahlı Qüvvələrinin Baş Qərargahında Yüksək Hərbi Şuranın toplantısı başlayıb. SİA-nın "Hüriyyət"ə istinadən verdiyi məlumata görə, iclasa baş nazir Rəcəb Tayyip Ərdoğan, Baş Qərargah rəisinin müavini, ordu generalı Necdət Özəl, milli müdafiə naziri İsmət Yılmaz, Baş Qərargahın ikinci rəisi, ordu generalı Aslan Günər, ordu komandanları, generallar Hayri Kıvrıkoğlu, Sərvət Yoruk, Yalçın Ataman, Nüsrət Taşdelər, Quru Qoşunları Təlim və Təhsil (EDOK) komandanı, ordu generalı Saldıray Bərk, Quru Qoşunlarının qərargah rəisi Bəkir Kalyoncu, Hərbi Dəniz Qüvvələrinin donanma komandanı, admiral Emin Murat Bilgel qatılıb.
İlk dəfə olaraq YAŞ toplantısı Baş Qərargah rəisi, Hərbi Dəniz Qüvvələri, Hərbi Hava Qüvvələri və Jandarma baş komandanı olmadan keçirilir. Şuranın iclası avqustun 4-dək davam edəcək və yeni təyinatlar prezident Abdullah Gül tərəfindən təsdiqlənəndən sonra ictimaiyyətə açıqlanacaq.
Bütün xəbərlər Facebook səhifəmizdə
USD
EUR
GBP
RUB