"Azərbaycanın dövlət müstəqilliyi gələcək nəsillər üçün qorunmalı olan tarixi mirasdır" - POLİTOLOQ DANIŞDI
"18 Oktyabr – Müstəqilliyin Bərpası Günü Azərbaycan xalqının dövlətçilik tarixində mühüm siyasi və tarixi hadisədir".
Bu barədə SİA-ya açıqlamasında politoloq Züriyyə Qarayeva deyib.
Bu gün Azərbaycanın müstəqilliyi yalnız dövlət atributlarının mövcudluğu ilə deyil, həm də suveren qərarlar qəbul etmək, milli maraqlara əsaslanan xarici siyasət yürütmək və beynəlxalq münasibətlərdə müstəqil mövqe nümayiş etdirmək imkanları ilə xarakterizə olunur. Xüsusilə ərazi bütövlüyünün və dövlət suverenliyinin bərpası müstəqilliyimizin siyasi və tarixi məzmununu daha da zənginləşdirib. Azərbaycan regional nəqliyyat, enerji və kommunikasiya layihələrində iştirakı ilə beynəlxalq əməkdaşlıq imkanlarını genişləndirir. Eyni zamanda, müstəqilliyin qorunması davamlı iqtisadi inkişaf, güclü dövlət institutları, hüququn aliliyi və milli birliyin möhkəmləndirilməsini tələb edir. Çünki müstəqillik yalnız əldə edilən tarixi nailiyyət deyil, həm də gələcək nəsillər qarşısında qorunmalı olan böyük məsuliyyətdir".
Bütün xəbərlər Facebook səhifəmizdə
USD
EUR
GBP
RUB