“Xankəndidə iş əlcəkləri istehsalı müəssisəsinin fəaliyyətə başlaması bölgənin sosial-iqtisadi inkişafı baxımından mühüm əhəmiyyət daşıyır. Bu cür sənaye müəssisələrinin yaradılması yeni iş yerlərinin açılmasına, əhalinin məşğulluq səviyyəsinin yüksəlməsinə və insanların rifahının yaxşılaşmasına mühüm töhfə verir”.
Bu sözləri SİA-ya açıqlamasında Millət Vəkili Aydın Hüseynov bildirib
Onun sözlərinə görə, xüsusilə işğaldan azad olunmuş ərazilərdə istehsal sahələrinin qurulması həmin bölgələrin iqtisadi həyatının yenidən bərpası üçün vacib addımlardan hesab olunur:
“Müəssisənin fəaliyyətə başlaması yerli əhalinin işlə təmin olunmasına şərait yaratmaqla yanaşı, peşə bacarıqlarının inkişafına və əmək bazarının canlanmasına da müsbət təsir göstərir. Eyni zamanda, istehsal olunan məhsulların daxili bazarın tələbatını ödəməsi və gələcəkdə ixrac imkanlarının formalaşması ölkə iqtisadiyyatı üçün əlavə üstünlüklər yaradır.
İşğaldan azad olunmuş ərazilərdə həyata keçirilən bərpa və quruculuq layihələri regionun sürətli inkişafına xidmət edir. Yeni sənaye müəssisələrinin yaradılması infrastrukturun genişlənməsinə, sahibkarlıq fəaliyyətinin təşviqinə və investisiya mühitinin daha da yaxşılaşmasına səbəb olur. Bu proses qeyri-neft sektorunun inkişafına dəstək verməklə yanaşı, iqtisadiyyatın şaxələndirilməsi istiqamətində atılan mühüm addımlardan biridir.
Dövlət tərəfindən Qarabağ və Şərqi Zəngəzur iqtisadi rayonlarında aparılan genişmiqyaslı yenidənqurma işləri nəticəsində sənaye potensialı artır, yeni istehsal sahələri formalaşır və iqtisadi imkanlar genişlənir. Belə layihələr bölgənin dayanıqlı inkişafına, əhalinin doğma torpaqlarına qayıdışına və uzunmüddətli sosial-iqtisadi sabitliyin təmin olunmasına mühüm töhfə verir. Xankəndidə fəaliyyətə başlayan iş əlcəkləri istehsalı müəssisəsi də bu inkişaf strategiyasının uğurlu nümunələrindən biri kimi qiymətləndirilə bilər”.
Bütün xəbərlər Facebook səhifəmizdə
.jpg)
USD
EUR
GBP
RUB