“Təəssüflə qeyd etmək lazımdır ki, xüsusilə Azərbaycanda qlobal miqyaslı tədbirlərin keçirildiyi dövrlərdə bəzi dairələr və qüvvələr tərəfindən ölkəmizə qarşı müxtəlif kampaniyalar aparılmışdır. Son dövrlərdə isə bu cür kampaniyaların nisbətən zəiflədiyi müşahidə olunur”.
SİA xəbər verir ki, bu sözləri Prezidentin köməkçisi Hikmət Hacıyev jurnalistlərə açıqlamasında deyib.
O bildirib ki, bu prosesin əsas səbəblərindən biri həmin fəaliyyətləri həyata keçirən bəzi qrupların maddi və təşkilati imkanlarının müəyyən dərəcədə məhdudlaşmasıdır.
Hikmət Hacıyev qeyd edib ki, bəzi xarici maliyyə mənbələri və proqramlar çərçivəsində Azərbaycanda müxtəlif təşkilatların fəaliyyət göstərdiyi məlumdur, lakin bu mexanizmlərin bəzən bəyan edilən məqsədlərdən fərqli istiqamətlərdə istifadə olunması ilə bağlı müzakirələr mövcuddur.
O əlavə edib ki, Avropa Parlamentində Azərbaycanla bağlı qəbul edilən bəzi qətnamələr də bu kontekstdə qiymətləndirilir, lakin həmin sənədlərin bəzən real vəziyyəti tam obyektiv əks etdirmədiyi barədə fikirlər var.
Prezidentin köməkçisi vurğulayıb ki, Azərbaycan bütün bu proseslərə baxmayaraq müstəqil xarici siyasət kursunu davam etdirir və beynəlxalq nüfuzunu daha da gücləndirir.
Bütün xəbərlər Facebook səhifəmizdə
.jpg)
USD
EUR
GBP
RUB