“Cənubi Qafqazda xarici təsir cəhdləri region siyasətinə müxtəlif formalarda təsir göstərir” - SİYASİ ANALİTİK
Son dövrlərdə beynəlxalq münasibətlərdə müxtəlif aktorların Cənubi Qafqaz regionuna təsir göstərmək cəhdləri müşahidə olunur və bu çərçivədə xüsusilə Fransa və bəzi ölkələrin fərqli yanaşmaları diqqət çəkir.
SİA xəbər verir ki, bu barədə siyasi analitik Rizvan Hüseynov Medianın İnkişafı Agentliyinin təşkilatçılığı ilə keçirilən “Prezident İlham Əliyevin sülh strategiyası sabitliyin qarantıdır” mövzusunda dəyirmi masada çıxışı zamanı deyib.
O bildirib ki, Azərbaycan bu prosesləri milli maraqlar kontekstində qiymətləndirir və regionda sabitliyin qorunmasını əsas prioritet kimi saxlayır.
Rizvan Hüseynov qeyd edib ki, Fransanın regiondakı fəaliyyəti bəzən Ermənistan vasitəsilə təsir imkanlarını genişləndirməyə yönəlmiş kimi görünür və bu üç istiqamətdə özünü göstərir: siyasi-diplomatik təsir cəhdləri, beynəlxalq platformalarda gərginlik yaradan narrativlərin formalaşdırılması və Ermənistan daxilində siyasi proseslərə dolayı təsir imkanları.
O əlavə edib ki, Ermənistanın daxili siyasi prosesləri xarici təsirlərə açıq olsa da, yekun qərar hər bir dövlətin öz siyasi iradəsindən asılıdır.
Analitik vurğulayıb ki, müasir beynəlxalq sistemdə münasibətlər qarşılıqlı maraqlar və əməkdaşlıq prinsipləri üzərində qurulmalıdır, kolonial keçmişə malik bəzi ölkələrin yanaşmaları isə tənqid edilir.
Rizvan Hüseynov bildirib ki, Azərbaycan balanslı və praqmatik xarici siyasət həyata keçirir, əsas məqsəd isə regionda sabitliyin möhkəmləndirilməsi və beynəlxalq əməkdaşlığın genişləndirilməsidir.
Bütün xəbərlər Facebook səhifəmizdə
.jpg)
USD
EUR
GBP
RUB