Kapadokiya payızın rənglərinə bürünüb

Nevşehirdəki pəri bacaları, təbii qaya birləşmələri ilə örtülmüş vadilər, yeraltı şəhərləri və qayalardan yonulan tarixi ibadətxanaları ilə Türkiyənin ən seçilmiş turizm mərkəzlərindən olan Kapadokiya payızın rənglərinə bürünüb.

SİA bu barədə türk mətbuatına istinad edir.
Birləşmiş Millətlər Təşkilatının Təhsil, Elm və Mədəniyyət Təşkilatının (UNESCO) Dünya Mədəni İrs Siyahısına daxil olan Kapadokya tarixi, mədəni və təbii gözəllikləri ilə qonaqlarına hər mövsüm fərqli bir mənzərə təqdim edir.

Bölgədə hava şəraitinin əlverişli olduğu günlərdə günəşin doğuşunda yüksələn hava şarı turuna qatılan turistlər mövsümün gözəlliyini quşbaxışı ilə seyr edə bilərlər.

Bütün xəbərlər Facebook səhifəmizdə

loading...