...Xakasiya paytaxtında elektrik enerjisinin kəsilməsinin günahkarı şəhərin elektrik yarımstansiyasında kabelləri çeynəyən siçovul olub.
SİA xəbər verir ki, bu barədə “112” Telegram kanalı məlumat yayıb.
Yanvarın 24-ü axşam saatlarında Abakanın cənub hissəsi elektriksiz qalıb. Məlum olub ki, işığın kəsilməsinə elektrik qurğusuna daxil olan və qısaqapanmaya səbəb olan siçovul səbəb olub.
Mütəxəssislər siçovul təxribatının nəticələrini tez bir zamanda aradan qaldırıblar.
Bundan əvvəl Norilskdə bir neçə yaşayış binasının elektrik enerjisini təsadüfən kəsən qaçan yenot tutulub.
Fövqəladə hadisə yanvarın 18-də Norilsk şəhərinin 8-ci mikrorayonunda baş verib. Bir anda Leninqradskaya və Laureatov küçələrindəki beş evdə işıqlar sönüb, bundan sonra elektrikçilər transformator yarımstansiyasına gedib və orada çağırılmamış qonaq aşkar ediblər.
Quruluşlardan birinin altında gizlənən yenot fısıldayıb və açıq yerə çıxmağa razı olmayıb.
Daha sonra şirkətin əməkdaşları elektrik enerjisini bərpa edib və heyvanı həmin evdə yaşayan sahibinə qaytarıblar.
Nazlı Almuradova
Bütün xəbərlər Facebook səhifəmizdə
.png "Hava gəmisi “Pansir S-1” HHM sistemi ilə vurulub")
USD
EUR
GBP
RUB