.jpg)
Bir vaxtlar şirkətlər jurnalistlərin zəngini gözləyirdi. Bu gün isə ən güclü brendlər öz newsroom-larını qurur, öz auditoriyasını formalaşdırır və gündəmi özü idarə edir.
Son illərdə informasiya dünyasında ən böyük dəyişikliklərdən biri “Own media”- strategiyasının sürətlə yüksəlməsidir. Artıq şirkətlər yalnız televiziya reportajlarına və xəbər saytlarına güvənməklə kifayətlənmir.
Ənənəvi media hələ də vacibdir. Amma reputasiya yalnız başqalarının onlar haqqında nə yazdığı ilə formalaşmır. Əsas məsələ şirkətin özünün necə danışdığıdır.
Own media şirkətin tam nəzarət etdiyi informasiya platformaları deməkdir. Buraya rəsmi saytlar, korporativ bloglar, Telegram kanalları, YouTube platformaları, LinkedIn səhifələri və hətta daxili işçi media sistemləri daxildir.
Bu model şirkətə öz səsini yaratmaq imkanı verir. Artıq şirkət auditoriya ilə vasitəçisiz danışır. İnformasiya sürəti əvvəlki illərlə müqayisədə dəfələrlə artıb və bu dəyişiklik kommunikasiya modelini tamamilə yenidən formalaşdırıb.
İnformasiya dövrü dəyişib
İnformasiya sürətinin artması kommunikasiya modelini tam dəyişib. Əgər xəbər gecikirsə, boşluğu sosial media doldurur, rəsmi açıqlama gecikirsə, şayiə güclənir və kontrol edilməyən informasiya reputasiya riskinə çevrilir. Bu səbəbdən own media artıq seçim deyil, zərurətdir.
Krizis zamanı insanlar ilk növbədə şirkətin öz platformasına baxır. Əgər şirkət susursa, informasiya boşluğu yaranır və həmin boşluğu şayiələr doldurur. Məhz buna görə beynəlxalq PR praktikasında ilk rəsmi açıqlama prinsipi anlayışı getdikcə daha vacib hala gəlir.
Birinci rəsmi açıqlama reputasiyanın taleyini müəyyən edə bilir. Öz media platforması olmayan şirkətlər bu yarışda gecikir. Bəzi şirkətlər artıq klassik biznes strukturu ilə yanaşı media strukturu da qururlar. Onların daxilində ayrıca redaksiya komandaları, video istehsal bölmələri və kontent strateqləri fəaliyyət göstərir.
Mərkəzi Gömrük Hospitalının PR fəaliyyəti səhiyyə idarəçiliyi və kommunikasiya baxımından regionda seçilən qurumlardan biri kimi qiymətləndirilə bilər. Burada təkcə tibbi xidmətlərin yüksək səviyyədə təşkili deyil, eyni zamanda sistemli və düşünülmüş kommunikasiya yanaşması da diqqət çəkir.
Mərkəzi Gömrük Hospitalı ictimaiyyətlə açıq və şəffaf ünsiyyətə önəm verir. Xüsusilə uğurlu cərrahi əməliyyatların, tibbi yeniliklərin və ekspert rəylərinin ictimaiyyətə operativ şəkildə çatdırılması hospitalın peşəkar yanaşmasını göstərir. Mərkəzi Gömrük Hospitalının rəsmi internet səhifəsi- https://customshospital.az/, Facebook səhifəsi https://www.facebook.com/customshospital/, İnstaqram səhifəsi https://www.instagram.com/merkezi_gomruk_hospitali/, Twitter səhifəsi https://x.com/GomrukHospital, Linkedin, Youtube https://www.youtube.com/@mrkzigomrukhospitalcustoms3382 və Tiktok https://www.tiktok.com/@mrkzi.gmrk.hospit səhifələri var.
Hazırda ən güclü kontent formatlarına ekspert müsahibələri, backstage videoları, əməkdaş hekayələri, 1 gün bizimlə formatı, maarifləndirici video PR və hekayə əsaslı kommunikasiya daxildir.
Own media sistemində data və analitika da əsas rol oynayır. Bugünkü PR emosiyalarla yanaşı rəqəmlərlə də işləyir. Reach, engagement, trust index və audience retention artıq reputasiya göstəricilərinə çevrilib. Gələcəyin ən güclü brendləri məhsul istehsal edən yox, informasiya idarə edən şirkətlər olacaq. Yaxın gələcəkdə şirkətlər öz jurnalist komandalarını yaradacaq, AI əsaslı kontent sistemləri quracaq, daxili media studiyalarına investisiya edəcək və auditoriya ilə 24/7 kommunikasiya modeli quracaq. Own media artıq sadəcə PR trendi deyil. Bu, kommunikasiya modelinin tam dəyişməsidir. Bu gün ən güclü şirkətlər xəbər gözləmir, onlar xəbər yaradır, gündəmi izləmək yox, gündəmi formalaşdırırlar.
Mərkəzi Gömrük Hospitalının
PR mütəxəssisi Dilarə Zamanova
Bütün xəbərlər Facebook səhifəmizdə
.jpg)
USD
EUR
GBP
RUB