Qəhvə və onun tərkibindəki maddələr müəyyən yollarla çəkinin azalmasına və ya qorunmasına kömək edə bilər.
SİA xarici mətbuata istinadən xəbər verir ki, həftədə 5 fincan qəhvə içmək ümumi bədən yağının, qarın nahiyəsindəki və visseral yağın azalmasına kömək edə bilər. Araşdırmalar göstərir ki, qəhvə bəzi insanlarda iştahanı azaldaraq daha az çəki və bədən yağı ilə nəticələnir. Bundan əlavə, tədqiqatlar müəyyən edib ki, yeməkdən əvvəl qəhvə içmək iştahanın azalmasına səbəb olur.
Qəhvə metabolizmi bir qədər sürətləndirərək daha çox kalori yandırmağa kömək edir. Eyni zamanda, kofein yağların oksidləşməsini də artırır.
Məşqdən təxminən 60 dəqiqə əvvəl qəhvə və ya digər kofeinli içkilərin qəbulu performansı və enerjini artırır. Bu isə məşqlərin daha effektiv keçməsinə və çəkiyə nəzarətə kömək edir.
Axşam qəhvə içmək yuxunu poza bilər. Bu isə maddələr mübadiləsinə mənfi təsir edərək kalori yandırılmasını və arıqlama prosesini çətinləşdirir.
Qəhvə özü aşağı kalorili içkidir və tərkibində yağ və karbohidrat yoxdur. Lakin ona şəkər və ya digər şirinləşdiricilər əlavə etdikdə bu üstünlüklər itə bilər. 2023-cü ildə aparılan araşdırmaya görə, qəhvə istehlakı ümumilikdə arıqlama ilə əlaqəli olsa da, qəhvəyə mütəmadi olaraq hətta bir çay qaşığı şəkər əlavə etmək çəki artımı ilə əlaqələndirilir.
Bütün xəbərlər Facebook səhifəmizdə
.jpg)
USD
EUR
GBP
RUB
