Ürəkbulanma, qida zəhərlənməsi, ishal, həddindən artıq yağlı və ağır qidaların qəbulu, qastrit və reflü kimi mədə xəstəlikləri nəticəsində yarana bilər. Bundan əlavə, ürəkbulanma tez-tez qusma ilə müşayiət olunur.
Bəs, bunu necə aradan qaldıra bilərik?
SİA mövzu ilə bağlı araşdırma edib.
Zəncəfil ürəkbulanmanı aradan qaldırmaqda təsirli ola bilər. Lakin ürək bulanması ciddi bir xəstəlikdən də yarana bilir. Buna görə də, ürək bulanmasının səbəbini aşkar etmək və müalicə etmək çox vacibdir.
Bulantı nədir?
Ürəkbulanma, adətən, qusma ilə müşayiət olunan xoşagəlməz, həyat keyfiyyətinin pozulmasıdır.
Bulantı necə baş verir?
Əgər ürəkbulanmadan sonra qusma olacaqsa, xəstə saniyələr ərzində tərləyir, ağzı sulanır, ürək döyüntüləri yavaşlayır, qarın əzələləri birdən büzülür və mədə içindəkiləri xaric etmək üçün ağzını bağlayır. İnsan adətən qusduqda rahatlıq hiss edir.
Ürək bulanmasına nə səbəb olur?
- Qida zəhərlənməsi,
- Nazik və yoğun bağırsaqların kəskin mikrob infeksiyaları (ishal),
- Qastrit,
- Qaraciyərin kəskin xroniki iltihabı,
- Kəskin xroniki qaraciyər çatışmazlığı,
- Öd kisəsində daş palçıq iltihabları,
- Mədə, kolon, mədəaltı vəzi xərçəngi,
- Metastatik xərçənglər,
- Lenfoma beyin şişləri,
- Kimyaterapiya-radioterapiya keçirən şəxs,
- Migren və baş ağrıları
- Qulaq və beyin infeksiyaları
- Yol tutması
- Dərmanların yan təsirləri,
- Sidik sisteminin infeksiyaları (sidik yollarının infeksiyaları) və daşlar,
- Kəllədaxili təzyiqi artıran şərtlər,
- Psixogen səbəblər,Bu, xolinergik reseptorlarla hərəkət, tarazlıq, görmə və qoxu hisslərinin stimullaşdırılması səbəbindən baş verə bilər.
Bulantı necə müalicə olunur?
- Ürək bulanmasına səbəb olan xəstəliyi müalicə edərək,
- Qan maye elektrolit çatışmazlığının aradan qaldırılması ilə,
- Bulantı əleyhinə dərmanlarla simptomatik müalicə aparmaqla həyata keçirilir.
- Həmçinin, qusmağa səbəb olan dərmanlar dayandırılır.
Ürək bulanmasına nə yaxşıdır?
Zəncəfil ürəkbulanmaya yaxşı gəlir. Ancaq ürək bulanmasının səbəbini müəyyən etmək çox vacibdir. Buna görə də ürəkbulanma zamanı həkimə müraciət etmək lazımdır.
Uşaqlarda ürək bulanmasının səbəbləri və müalicəsi
Uşaqlarda ürək bulanmasının səbəblərinə aşağıdakılar daxildir:
- Yuxarı tənəffüs yollarının bakterial viral infeksiyaları,
- Mikrob qida zəhərlənməsi,
- Süd allergiyası,
- Həddindən artıq yemək
- Yüksək qızdırma ilə müşayiət olunan xəstəliklər,
- Öskürək xəstəlikləri.
Uşaqlarda ürək bulanmasının müalicəsi ürək bulanmasının səbəbinə uyğun olaraq planlaşdırılır. Belə ki, onlarda bulantıları müalicə etmək üçün pəhriz və bulantıya qarşı dərmanlar istifadə olunur.
Hamilə qadınlarda ürək bulanmasının səbəbləri
Körpənin ana bətnində tutunmasını təmin edən Beta HCG estrogen progesteron hormonlarının artması ilə hamilə qadınlarda 8-10 həftə arasında ürəkbulanma meydana gələ bilər. Bəzi hamilə qadınlarda ürəkbulanma çox şiddətlidir və xəstəxanaya yerləşdirilməsini tələb edə bilər. Hamiləlik dövründə ürəkbulanma, adətən, səhər bulanması şəklində olur və 14-cü həftədən sonra ürək bulanması azalmağa başlayır.
Hamiləlik zamanı ürək bulanması üçün nə yaxşıdır?
- Kraker, noxud, xörək kimi quru qidalara üstünlük verilməlidir,
- Qızardılmış, yağlı, ədviyyatlı, turşulu qidalar qəbul edilməməlidir,
- Stress, yemək qoxuları və siqaretdən uzaq durmaq lazımdır,
- Bol maye qəbul edilməlidir.
Bundan əlavə:
- zəncəfil,
- limon,
- B vitamini bəzi hamilə qadınlarda ürək bulanmasına yaxşı təsir göstərə bilər.
Ayşən Vəli
Bütün xəbərlər Facebook səhifəmizdə
USD
EUR
GBP
RUB