İyunun 29-da Şamaxı şəhərində Elşən Quliyevin almış olduğu xəsarətlərdən xəstəxanada ölməsi barədə rayon prokurorluğuna məlumat daxil olub. Baş Prokurorluğun mətbuat xidmətindən SİA-ya verilən məlumata görə, ilkin araşdırmalar nəticəsində Teymur Əliyev həmin gün saat 23:00 radələrində şəhərin Xətai və Füzuli küçələrinin kəsişməsində aralarında yaranmış mübahisə zamanı qayınatası E. Quliyevə bıçaqla xəsarətlər yetirib. E.Quliyevin yerləşdirildiyi xəstəxanada ölməsinə dair əsaslı şübhələr müəyyən edilib.
Faktla bağlı rayon prokurorluğunda Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanıb. T. Əliyev prokurorluq tərəfindən şübhəli şəxs qismində tutulub.
Hazırda istintaq davam edir.
Bütün xəbərlər Facebook səhifəmizdə
USD
EUR
GBP
RUB
