Azərbaycan Diplomatik Akademiyasının (ADA) rektoru Hafiz Paşayev və icraçı dekan Fariz İsmailzadə Səudiyyə Ərəbistanın aparıcı təhsil ocaqları ilə əməkdaşlığı müzakirə etmək üçün bu ölkəyə səfər ediblər.
ADA-dan SİA-ya verilən xəbərə görə, iki gün davam etmiş səfər çərçivəsində
Paşayev Səudiyyə Ərəbistanının Xarici İşlər Nazirliyinin Diplomatik Araşdırmalar
İnstitutunun baş direktoru Abdulkərim Həmid Əl-Dekhayel, ölkənin ən böyük
universiteti - Səudiyyə Krallığı Univesitetinin rektoru Abdulla bin Abdul
Rəhman Əl-Otaman, Şah Fəysalın adını daşıyan Araşdırma və İslam Tədqiqatı
Mərkəzinin rəhbəri, Böyük Britaniyada sabiq səfir Şahzadə Türki Əl-Fəysal və
paytaxt Əl-Riyadın meri Şahzadə Səlman Əl-Səudla görüşüb.
Görüşlər zamanı Paşayev rəhbərlik etdiyi qurumun Səudiyyə Ərəbistanının təhsil
ocaqları ilə diplomatiya, beynəlxalq münasibətlər, Yaxın Şərq və İslam dini ilə
bağlı araşdırmalar, müəllim və tələbə mübadiləsi aparılmasında, birgə
treyninqlərin keçirilməsində əmakdaşlığa açıq olduqlarını qeyd edib.
Paşayev və Diplomatik Araşdırmalar İnstitutunun baş direktoru Abdulkərim Həmid Əl-Dekhayel anlaşma memorandumu da imzalayıblar.
Səfir Paşayev Səudiyyə Ərəbistanının aparıcı təhsil ocaqlarının rəhbərlərini
Azərbaycana səfərə dəvət edib.
Bütün xəbərlər Facebook səhifəmizdə
USD
EUR
GBP
RUB
