Son illərdə Azərbaycanda özəl lisey və məktəblərə maraq artmaqdadır. Valideynlər daha keyfiyyətli təhsil, fərdi yanaşma və beynəlxalq imkanlar ümidi ilə övladlarını özəl təhsil müəssisələrinə yönəldirlər. Lakin bu seçimlə yanaşı, ən çox müzakirə olunan məsələlərdən biri də illik təhsil haqlarının yüksəkliyi və məktəblər arasında ciddi fərqlərin mövcudluğudur. Bəzi özəl məktəblərdə illik ödənişlər minlərlə manatla ölçüldüyü halda, digərlərində bu məbləğ on minlərlə manata qədər yüksəlir. Bu fərqlər nədən qaynaqlanır və valideynlər seçim edərkən nələrə diqqət etməlidirlər?
SİA mövzu ilə bağlı araşdırma edib.
Özəl məktəblərdə təhsil haqları bir çox faktordan asılı olaraq dəyişir:
-tədris dili (Azərbaycan, rus, ingilis və beynəlxalq proqramlar),
-məktəbin nüfuzu və beynəlxalq akkreditasiya,
-təhsil səviyyəsi (ibtidai, orta, tam orta),
-əlavə xidmətlər (nahar, nəqliyyat, dərnəklər),
-məktəbin yerləşdiyi ərazi və s.
Ümumilikdə özəl məktəblərdə illik təhsil haqları təxminən 2 500 manatdan başlayaraq 55 000+ manata qədər dəyişir.
Bakı Atatürk Liseyi -2 500 – 4 500 ₼
Simurq Liseyi -2 625 – 5 250 ₼ ~2 890 – 3940 ₼
Western School ~6 000 ₼
Hədəf Liseyi ~5 000 – 9 000 ₼ ~5 000 – 9000 ₼
Erudit Liseyi ~6 500 ₼
Kaspi Liseyi ~8 350 – 9 000 ₼ ~8 850 – 9050 ₼ ~8 950 – 9 450 ₼
Qiymətlər orta səviyyədədir, ibtidai və yuxarı siniflərə görə dəyişir.
Orta və daha yüksək haqlı məktəblər
Bu kateqoriyada adətən xarici proqramlar (Cambridge, IB, A-Level) və ingilis dili əsas tədrisdə olur:
Məktəb İllik təhsil haqqı (təxmini)
Landau School ~6 300 – 8 700 ₼
Yaşam Beynəlxalq Məktəbi ~6 560 – 8 670 ₼
Bakı Beynəlxalq Təhsil Kompleksi ~8 000 – 9 000 ₼
Ada School ~8 400 – 15 000 ₼
Bakı İstanbul Liseyi ~9 000 – 10 000 ₼
Evrika Liseyi ~9 000 – 14 500 ₼
Beynəlxalq Maarif Məktəbləri ~9 200 – 12 300 ₼
İdrak Liseyi ~10 000 – 16 500 ₼
Dünya Məktəbi ~15 000 – 17 500 ₼
Britaniya Məktəbi ~12 000 – 14 000 ₼
Ən yüksək haqlı məktəblər
Bu məktəblər beynəlxalq səviyyəli proqramlar, yüksək standartlı tədris və əlavə xidmətləri ilə fərqlənir:
Oxbridge Academy Baku ~15 640 – 24 820 ₼
Bakı Oxford Məktəbi ~17 000 – 20 500 ₼
Azərbaycan Britaniya Kolleci ~12 000 – 20 000 ₼
Azərbaycan Beynəlxalq Məktəbi (TİSA) ~54 000 – 56 000 ₼
Qiymətləri nə müəyyən edir?
Özəl məktəblərdə təhsil haqları aşağıdakı amillərdən asılı olaraq dəyişir:
1. Tədris dili və proqram
İngilis və ya beynəlxalq proqramlar (IB, Cambridge, A-Level) adətən daha yüksək haqq tələb edir.
2. Məktəbin infrastruktur və xidmətləri
Müasir laboratoriyalar, idman zalları, dil otaqları, əlavə dərnəklər, psixoloji dəstək və klub fəaliyyətləri qiymətə daxildir.
3. Müəllim heyəti
Xarici müəllimlər və yüksək peşəkar personal əməkhaqları təhsilhaqqına təsir edir.
4. Məktəbin yerləşməsi
Mərkəzə yaxın və prestijli rayonlarda yerləşən məktəblərdə qiymətlər daha yüksək olur.
2025/26-cı tədris ili üçün vəziyyət
-Əksər məktəblər illik haqları artırıb (300–1000 ₼ daha çox).
-Bazarda əlavə xidmətlər, xarici proqramlar və beynəlxalq akkreditasiya artdıqca qiymətlər də yüksəlir.
Təhsil haqlarını yalnız məbləğlə deyil, təhsilin keyfiyyəti və proqramla müqayisə edin. Müxtəlif məktəblərin açıq günlərində iştirak edərək proqram və xidmət fərqlərini öyrənin. Bəzi məktəblər endirim və qardaş-bacı güzəştləri təklif edir – soruşmaq faydalıdır.
Ayşən Vəli
Bütün xəbərlər Facebook səhifəmizdə
USD
EUR
GBP
RUB