Çində idxalın və ixracın həcmi artıb

14 Dekabr 2021 07:22 | 2 933
Çində idxalın və ixracın həcmi artıb

Noyabrda Çində idxal illik əsasda 31.7 faiz artıb.

SİA-nın xəbərinə görə, bu məlumat Çin Gömrük Xidmətinin son statistikasında yer alır.

Ekspertlər artımı daxili tələbatın yüksək olması ilə izah edirlər.

İxracın həcmi də proqnozu üstələyib. Ekspertlər cəmi 18 faiz artım gözlədiyi halda, göstərici 22 faiz olub. Oktyabr ayı ilə müqayisədə isə artım deyil, geriləmə baş verib. Belə ki, oktyabrda ixracda artım 27 faizi keçmişdi.

İxracın artımına səbəb Qərb ölkələrində gündəlik istehlak məhsullarına və Yeni il ləvazimatlarına tələbatın artmasıdır. Artıq bu məhsulların kütləvi sifarişi dövrü başa çatdığı üçün dekabrda ixracın azalması gözlənilir.

Ümumi olaraq, pandemiya dövründə Çinin ixracının artmasının başlıca səbəbi dünyada tibbi ləvazimata və kompüterə tələbatın artmasıdır. Sərt karantin dövründə evdən iş rejimi tətbiq edilən ölkələrdə İKT məhsullarına tələbat rekord həddə artıb. İndi isə, Qərb ölkələrində əksər müəssisələr adi iş rejimini bərpa etdiyi üçün bu məhsullara tələbat azalıb.

Digər layihələrimiz

  • “Səs” qəzeti
  • Səs TV
  • Sia Sport
  • Sia Travel
Səs TV qaynar xətt: +(994 55) 699-88-81, +(994 12) 598-33-90, sesmediaqrup@gmail.com
LiveInternet: показано число посетителей за сегодня