Azərbaycan və Böyük Britaniya şirkətləri arasında 2 memorandum imzalanıb
Azərbaycan və Böyük Britaniya şirkətləri arasında 2 memorandum imzalanıb. İmzalanma dekabrın 14-də Azərbaycan Respublikası Hökuməti ilə Böyük Britaniya və Şimali İrlandiya Birləşmiş Krallığının Hökuməti arasında iqtisadi əməkdaşlıq üzrə Birgə Hökumətlərarası Komissiyanın 2-ci iclası çərçivəsində həyata keçirilib.
Azərbaycan Respublikasının iqtisadiyyat naziri Şahin Mustafayevin və Böyük Britaniyanın ticarət və ixracın təşviqi üzrə naziri, hökumətlərarası komissiyanın həmsədri Baronessa Rona Feyrhedin həmsədrliyi ilə keçirilmiş iclasda hər iki ölkənin komissiyada təmsil olunan müvafiq qurumlarının rəsmiləri iştirak ediblər.
Komissiyanın iclasında iqtisadiyyat, ticarət, investisiya, sənaye, enerji, kənd təsərrüfatı, rabitə və yüksək texnologiyalar, təhsil, mədəniyyət və turizm, gənclər və idman, ekologiya sahələrində mövcud əməkdaşlıq və əlaqələrin genişləndirilməsi perspektivləri müzakirə edilib.
Hökumətlərarası Komissiyanın həmsədri, iqtisadiyyat naziri Şahin Mustafayev Azərbaycan və Böyük Britaniya arasında iqtisadi əlaqələr barədə məlumat verərək, ölkəmizin Britaniya ilə əlaqələrin inkişafına önəm verdiyini, ölkələrimiz arasında əməkdaşlığın iqtisadiyyatın müxtəlif sahələrində uğurla davam etdiyini vurğulayıb. Hazırda Azərbaycanda 500-dən çox Britaniya sərmayəli şirkətin fəaliyyət göstərdiyi, ölkəmizdə həyata keçirilən layihələrdə bu şirkətlərin podratçı qismində iştirak etdiyi bildirilib. Böyük Britaniya Azərbaycan iqtisadiyyatına ən çox investisiya yatıran ölkədir. Belə ki, Azərbaycan iqtisadiyyatına Böyük Britaniya tərəfindən 27 milyard ABŞ dollarından çox investisiya yatırılıb. İndiyədək Azərbaycan və Böyük Britaniya arasında 10-a yaxın biznes-forum və investisiya sammiti təşkil edilib.
Nazir Şahin Mustafayev enerji, neft-qaz, kənd təsərrüfatı, nəqliyyat, İKT, turizm, təhsil, maliyyə, səhiyyə, mədəniyyət sahələrində ötən müddət ərzində görülən işlərlə yanaşı, əməkdaşlıq perspektivlərini də diqqətə çatdırıb. Qeyd olunub ki, Azərbaycan neft sektoru ilə yanaşı, qeyri-neft sahəsində də əlaqələrin genişləndirilməsində maraqlıdır. Britaniya şirkətləri Sumqayıt Kimya Sənaye Parkına və digər parklara investisiya qoya, birgə müasir ət və süd emalı müəssisələri və heyvandarlıq təsərrüfatları yaradıla, qida sənayesi məhsulları istehsal edilə, birgə investisiya forumu keçirilə bilər. Azərbaycanda Britaniya istehsalı olan 29 adda dərman dövlət qeydiyyatından keçib və ölkəmizdə dərman preparatlarının, tibbi avadanlığın birgə istehsalı sahəsində Böyük Britaniya ilə əməkdaşlıq perspektivləri genişdir.
Azərbaycanın ixrac potensialı olan məhsullarının Böyük Britaniyaya ixracı üçün geniş imkanlar var. İşgüzar dairələr arasında əməkdaşlığın genişləndirilməsi üçün Azərbaycanda İxracın və İnvestisiyaların Təşviqi Fondu (AZPROMO) və Böyük Britaniyanın Beynəlxalq Ticarət Departamenti arasında əməkdaşlıq gücləndirilə bilər.
Ölkələrimiz arasında neft-qaz sahəsində əməkdaşlıq genişdir. Böyük Britaniyanın BP şirkəti neft-qaz sektorunda 7 layihədə, eləcə də Bakı-Tbilisi-Ceyhan, Cənub Qaz Dəhlizi kimi layihələrdə iştirak edir. Bu sahədə əməkdaşlıq təkliflərinə gəlincə, nazir Şahin Mustafayev qeyd edib ki, neft-qaz sahəsində avadanlıqlar birgə istehsal oluna, alternativ enerji sahəsində əməkdaşlıq genişləndirilə, bu sahədə Britaniyanın təcrübə və texnologiyasından istifadə oluna bilər.
Ötən müddət ərzində hər iki ölkənin dövlət baytarlıq orqanları arasında informasiya mübadiləsinin, kənd təsərrüfatı məhsullarının ticarətinin aparıldığını qeyd edən nazir Şahin Mustafayev Britaniyanın aparıcı şirkətlərinin Azərbaycanda müasir ət və süd emalı müəssisələri və heyvandarlıq təsərrüfatları yarada biləcəyini, fitosanitar sertifikatlarının mübadiləsinin araşdırılmasını diqqətə çatdırıb. Britaniya Azərbaycanın nəqliyyat infrastrukturundan və tranzit imkanlarından istifadə edə bilər.
Maliyyə bazarları, İKT sahəsində əlaqələrin genişləndirilməsi, Birləşmiş Krallığa şamil edilən "ASAN Viza" sistemi barədə Britaniya vətəndaşlarının və turizm şirkətlərinin məlumatlandırılması, ətraf mühitin mühafizəsi sahəsində əməkdaşlıq ölkələrimiz arasında əlaqələrin inkişafı baxımından əhəmiyyətli olacaq istiqamətlərdəndir.
Humanitar sahədə əməkdaşlığa gəlincə, nazir Şahin Mustafayev deyib ki, Azərbaycan və Böyük Britaniya ali təhsil müəssisələri arasında əməkdaşlıq və tələbə mübadiləsi həyata keçirilir. Hazırda 270 azərbaycanlı tələbə Böyük Britaniyada, britaniyalı gənclər isə Azərbaycanın ali təhsil müəssisələrində təhsil alırlar.
Nazir Şahin Mustafayev ölkəmizdə və Böyük Britaniyada keçirilmiş bir sıra turizm və mədəniyyət tədbirlərində ölkələrimizin qarşılıqlı şəkildə iştirak etdiklərini, müvafiq sahələrdə ali təhsil müəssisələri və təşkilatlar, muzeylər arasında əməkdaşlıq imkanlarını vurğulayıb.
Böyük Britaniyanın ticarət və ixracın təşviqi üzrə naziri, hökumətlərarası komissiyanın həmsədri Baronessa Rona Feyrhed Azərbaycana ilk dəfə səfər etdiyi və səfərindən məmnunluğunu bildirib, ölkəmizin qısa müddət ərzində böyük inkişaf yolu keçdiyini vurğulayıb. Nazir Azərbaycan ilə Böyük Britaniya şirkətləri, xüsusilə də BP arasında əməkdaşlığı yüksək qiymətləndirib. Bildirib ki, BP-də çalışanların 89 faizi Azərbaycan vətəndaşlarıdır. İqtisadiyyatın müxtəlif sahələrində əməkdaşlıq imkanlarını qeyd edən Baronessa Rona Feyrhed Böyük Britaniyanın Azərbaycanla iqtisadi-ticarət əlaqələrinin inkişafında maraqlı olduğunu və bunun üçün öz töhfələrini verməyə hazır olduqlarını vurğulayıb.
İclasın sonunda Azərbaycan Respublikası Hökuməti ilə Böyük Britaniya və Şimali İrlandiya Birləşmiş Krallığının Hökuməti arasında iqtisadi əməkdaşlıq üzrə Birgə Hökumətlərarası Komissiyanın 2-ci iclasının yekunlarına dair protokol imzalanıb. Sənədi Komissiyanın həmsədrləri - Azərbaycan Respublikasının iqtisadiyyat naziri Şahin Mustafayev və Böyük Britaniyanın ticarət və ixracın təşviqi üzrə naziri Baronessa Rona Feyrhed imzalayıb. İclas çərçivəsində müzakirə olunmuş məsələlərin və komissiyanın gələcək fəaliyyət istiqamətlərinin öz əksini tapdığı protokolda iqtisadiyyat, ticarət, investisiya, sənaye, turizm, enerji, təhsil, mədəniyyət və s. sahələrdə əməkdaşlığın genişləndirilməsi nəzərdə tutulur.
Hökumətlərarası Komissiya çərçivəsində, həmçinin Azərbaycan və Böyük Britaniya şirkətləri arasında 2 memorandum imzalanıb. Bu sənədlərin imzalanması nəticəsində Bakıda hasilat sahəsində istifadə olunan nasosların ölkə daxilində və vahid mərkəzdən təmiri və texniki baxışı təmin olunacaq, nəticədə xərclərə və vaxta qənaət olunacaq.
Komissiya çərçivəsində AZPROMO-nun rəhbəri Rüfət Məmmədov Azərbaycanın biznes və investisiya imkanlarına dair təqdimatla çıxış edib.
Bütün xəbərlər Facebook səhifəmizdə
Digər xəbərlər
Xəbər lenti
Krım körpüsü bağlanıb
Dünya 18:22Ankarada Azərbaycan Mədəniyyət Mərkəzi açıldı
Mədəniyyət 18:16Bakcell Fəvvarələr Meydanında yeni innovativ mağazasını təqdim etdi!
Texnologiya 18:11Amerika tələbə iğtişaşlarından şoka düşüb
Siyasət 17:55İran silahla Afrikanın etibarını qazanmağa çalışır
Siyasət 17:45Agentlik sədrindən əcnəbi jurnalistlərə ÇAĞIRIŞ
Siyasət 17:05Konqresmenlərdən ABSURD YANAŞMA - TƏHLİL
Siyasət 17:04Kənd Təsərrüfatı Nazirliyində görüş keçirilib - FOTO
İqtisadiyyat 16:58Qeyri-sabit hava şəraiti mayın 9-dək davam edəcək
Hadisə 16:53Elektrik və qazpaylayıcı şəbəkələrə qoşulma xidmətləri üzrə qiymətlər
İqtisadiyyat 16:52Dağıdıcı müxalifət yalnız trollardan ibarətdir ANALİZ
Siyasət 16:46Küləyin sürəti 22 m/s-dək güclənib
Hadisə 16:41“Qəbələ” klubu ciddi təhlükə qarşısındadır
İdman 16:27“Fənərbağça” Di Mariyanı transfer etmək istəyir
İdman 16:25Beynəlxalq Münasibətlərin Təhlili Mərkəzi auditor seçir
İqtisadiyyat 16:10Azərbaycan XİN Böyük Britaniya səfirinə cavab verib
Siyasət 15:56COP29.az vebsaytı istifadəyə verilib
İqtisadiyyat 15:50Bakı-Quba yolunda “Range Rover” yanıb
Hadisə 15:49“Bakı KOB evi”ndə sahibkarlara 80 mindən çox xidmət göstərilib - FOTO
İqtisadiyyat 15:49Ağdaşda 5 otaqlı ev yanıb
Hadisə 15:47Suqovuşan su anbarına balıq körpələri buraxılıb - FOTO
İqtisadiyyat 15:43Milli Məclisin növbəti plenar iclasının vaxtı
Siyasət 15:42Hərbçilərimiz beynəlxalq təlimdə iştirak edəcəklər
Siyasət 15:2762 nəfərin diplomu tanınmayıb
Təhsil 15:25Dünyaya iki mesaj - ANALİTİK
Siyasət 15:19Yunis Səfərovla bağlı yeni QƏRAR
Hadisə 14:47Vilayət Eyvazov İlqar Məmmədovu özünə müşavir təyin etdi
Siyasət 14:44BP yeni magistr proqramına start verib
İqtisadiyyat 14:39DGK Tovuz Gömrük İdarəsində əməliyyat keçirilməsinə münasibət bildirib
İqtisadiyyat 13:59Kəlbəcərdə yük və minik avtomobilləri toqquşub
Hadisə 13:57Azərbaycan XİN Polşanı təbrik edib
Siyasət 13:26Ağdamın zəngin mədəni irsi dağıdılıb - NAZİR MÜAVİNİ
Siyasət 13:22Azərbaycan çempionatında 19-cu turun proqramı
İdman 13:21Ceyhun Bayramov Qambiyaya işgüzar səfərə yola düşüb
Siyasət 13:20Yol ayrıcında – RAKURS
Siyasət 13:19Boyaqlı kəndi Kəlbəcər şəhərinə BİRLƏŞDİRİLİR
Siyasət 12:51Gəncədə məktəbli bıçaqlandı
Hadisə 12:49Özəl xəbərlər
Digər xəbərlərRedaktorun seçimi
Köşə yazıları
Populyar
Valyuta məzənnəsi
- USD 1,7000 0,00%
- EUR 1,8246 +0,12%
- GBP 2,1333 +0,11%
- RUB 0,0185 +1,08%