Lakin bugünkü mətbuat aləmində xeyli yer almış \"Stiv xüsusi ilhamı olan bir alimdir və onun uğurlarının əsas səbəbi öz intuisiyasına arxalanaraq riskə getməsidir\" fikrinə aludə olmaq böyük yanlışlıq olardı. \"Haradan gəlməsi bəlli olmayan\" ilham məbədində dua etmək əvəzinə, biz gərək mövcud fürsətlərdən yararlanaraq Apple-ı uğura aparan fundamental strategiyaları nəzərdən keçirək.
Biz hamımız ilham və zəhmətkeşlik arasındakı balans haqqında qədim məsəli eşitmişik. Hamıya bəllidir ki, adətən çox da böyük zəhmət tələb etməyən işlərlə rastlaşanda, nədənsə bu məsəldə deyilənləri unutmağa meylli oluruq. Gəlin elə Apple-ın timsalında hər şeyə baxaq. Ötən onillik göstərir ki, şirkətin və onun məhsullarının müvəffəqiyyət zirvəsinə yüksəlişi demək olar ki, qaçılmaz olmuşdur. Hər növbəti məhsul özündən əvvəlkindən daha yaxşıdır; hər yeni məhsul elə ilk gündən nömrə birə çevrilir; Apple dükanlarından kənarda isə çoxlu sayda müştərilər var ki, onlar sadəcə bu məhsulları xoşlamaqla kifayətlənmir- bu məhsulları sevirlər.
Mif | Gerçəklik |
ilhamlı innovasiya | 10 ədəd piksel-mükəmməl prototipi yaratmaq və onların arasında seçim etmək |
ilhamlı dizayn | Daha maraqlı müşayiət əhvalatı hazırlamaq (yayındırıcı əhvalat, dizayn biznesinin müxtəlif təbəqələrini məhsul çıxmadan öncə təşvişə salaraq yanlış istiqamətə göndərmək) |
dahiyanə ilhamla yaradılmış marketinq | Ən yaxşı müştəri təcrübəsinə əsaslanaraq müştərilərləmükəmməl danışıqlar və əlaqələrin qurulması |
Apple çox istəyərdi ki, biz onun bütün bu \"Evrika\"-sına inanaq. Lakin Apple hər bir funksiya üçün 10 ədəd piksel-mükəmməl prototipi istehsal edir. Bu prototiplər rəqabət apararaq əvvəlcə üçə qədər sovurulur, (yəni onların içində üç ən yaxşısı seçilir), sonra isə yalnız bir çox yüksək qiymətləndirilən yeganə qalib seçilir. Çünki Apple dəqiq bilir ki, sən daxildə nə qədər çox rəqabət aparsan, xaricdə bir o qədər az rəqabət aparmalı olacaqsan.
Biz hamımız sanki Apple-ın adi bir detaldan tutmuş ekrana qədər, hətta qablaşdırmanın da gözəl dizaynının ovsununun sehrinə düşmüşük, amma unutmaq lazım deyil ki, biz yalnız həmin sehrbazların bizə göstərmək istədiklərini görürük. Musiqi kompaniyaları ilə aparılan gərgin 1 aylıq danışıqları isə bizə heç kəs göstərmir. Həmçinin biz üç il ərzində Macbook Air-nın həqiqətən də daha zərif, daha yüngül və doğrudan da davamlı olması (10 saatlıq batareya) üçün lazım olan təchizat kanalları ilə bağlı aparılan təlim proseslərini də görmürük. Bütün bu təkmilləşmələr iPhone-un dahi ekran texnologiyası ilə qovuşduqda iPad (məşhur Air/iPhone hibridi) əsl partlayışa səbəb oldu.
Maraqlı əhvalat ilə müşayiət olunmayan bir avadanlıq içində mühərrik olmayan Ferrariyə bənzəyir: gözəldir, amma heç yerə gedə bilmir. Siz sadəcə Sansa, eReader, Zune və onlarla Apple məhsullarının əleyhinə çıxan, lakin heç bir uğur qazana bilməyən şirkətlərdən soruşun.
Və əlbəttə ki marketinq: dahiyanə marketinq. Heç kəs özünə diqqət çəkməkdə Apple qədər mahir ola bilməz. Lakin özünü doğrultmayan diqqət yanmış saman çöpünə bərabərdir. Sehrbazlar bircə \"Presto!\" deyir və biz rahat nəfəs almağa başlayırıq. Lakin onlar bizim diqqətimizi ən yaxşı müştəri təcrübəsini tapmağa sərf olunmuş ağır zəhmətdən, bütün dünya üzrə yayılmış 300-dən çox dükanda gündə yüz dəfələrlə qarşı-qarşıya aparılan və saysız hesabsız telefon danışıqlarından yayındırmağa çalışır.
Bütün xəbərlər Facebook səhifəmizdə
USD
EUR
GBP
RUB
