Mərkəzi Bankın pul siyasəti şöbəsinin müdiri Vazgen Poqosyanın sözlərinə görə, Rusiyanın Ermənistana ixrac məhdudiyyətləri ölkənin ÜDM-nin 1-1,5%-nə təsir edəcək. "Sektor təsirinə baxsaq, şübhəsiz ki, təsirlənəcək bəzi sektorlar var, məsələn, balıqçılıq və qida sənayesinin bəzi seqmentləri, bəlkə də daha ciddi", - deyə Poqosyan bildirib.
Poqosyan əlavə edib ki, bu ixracatın əksəriyyəti daxili bazara yönləndirilə bilər və Ermənistan iqtisadiyyatına təsir orta səviyyədə ola bilər.
İyulun sonunda balıqçılıq təsərrüfatlarının işçiləri Yerevanda hökumət binasının qarşısında etiraz aksiyası keçiriblər. Etirazçılar Rusiyaya ixracın tamamilə dayandırılmasından sonra ixrac problemlərinin həllini tələb ediblər. May və iyun aylarında Rosselxoznadzor (Baytarlıq və Fitosanitar Nəzarət üzrə Federal Xidmət) spirtli içkilər, meyvə-tərəvəz, mineral su və balıq da daxil olmaqla bir çox Ermənistan məhsullarının idxalını məhdudlaşdırıb. Bu tədbirlərin təsirini azaltmaq üçün Avropa Komissiyası Ermənistana 34 milyon avro ayırıb. Daha sonra Avropa Komissiyasının prezidenti Ursula fon der Leyen Aİ bazarına daxil olan Ermənistan mallarının 80%-nin rüsumsuz olacağını açıqlayıb.
V.VƏLİ
Bütün xəbərlər Facebook səhifəmizdə
USD
EUR
GBP
RUB