...Rusiyalı bloqçu Pavel İvanovla canlı yayım zamanı təqaüddə olan Rusiya general-polkovniki Leonid İvaşov Putini Ukraynaya qarşı tammiqyaslı müharibə başlatdığına görə sərt tənqid edərək, hərbi əməliyyatların dərhal dayandırılmasına və danışıqlar masasına oturulmasına çağırıb.
SİA-nın əldə etdiyi məlumata görə, o, Kremlin vəd etdiyi yüngül hərbi əməliyyatın tamamilə uğursuz olduğunu xatırladıb: “Siz uduzdunuz; heç nəyi qabaqcadan görmədiniz. Müharibənin yüngül qanadlı əməliyyat olmayacağını anlamaq üçün zəkanız yox idi: buradan qalxın, bir yerdən dişləyin və budur, siz qalib gəlmisiniz...”
Hərbçinin sözlərinə görə, müharibənin davam etdirilməsi Rusiyanı iqtisadiyyatdan və təhsildən mədəniyyətə qədər bütün mülki sahələrdə tam militarizasiyaya və dərin durğunluğa aparır.
İvaşov vurğulayıb ki, müharibənin uzadılması bir nəfərin siyasi yaşaması naminə ölkənin gələcəyini məhv etməkdir. Leonid İvaşov Ümumrusiya Zabitlər Məclisinin rəhbəri kimi müharibəyə qarşı çıxmağa davam edir: hələ 2022-ci ilin fevral ayında, tammiqyaslı işğaldan bir neçə həftə əvvəl, o, Kremli açıq şəkildə Ukraynaya hücum etməmək barədə xəbərdar etmiş və bunun Rusiyanın mövcudluğunu təhdid edəcəyini bildirmişdi.
Əli Babayev
Bütün xəbərlər Facebook səhifəmizdə
USD
EUR
GBP
RUB