ABŞ-ın paytaxtı Vaşinqtonda (ABŞ) minlərlə türk və əcnəbinin qatıldığı ənənəvi Türk Festivalı maraqla qarşılanıb.
1965-ci ildə qurulan Vaşinqton Türk-Amerika Dərnəyi (ATA-DC) tərəfindən The Varf bölgəsində keçirilən festivalda Türk mədəniyyətinin və mətbəxinin seçilmiş nümunələri təqdim edilib. SİA-bu barədə xarici mətbuata istinad edir.
Festivalda Türkiyədən gələn rəqs qrupunun çıxışı və folklor komandasının çıxışları maraqla, ənənəvi geyimləri ilə səhnəyə çıxan xalq rəqs qrupu tamaşaçılar tərəfindən alqışlarla qarşılanıb.
Osmanlı-Türk mədəniyyətini əks etdirən məhsulların sərgiləndiyi stendlər iştirakçıların diqqətini çəkərkən, əllə toxunmuş parçalar, türk xalçaları, ənənəvi Osmanlı paltarları və çini ziyarətçilər tərəfindən rəğbətlə qarşılanıb.
Ənənəvi Türk İrsi Ayı tədbirləri çərçivəsində təşkil edilən festivalda Türk mətbəxinin ən gözəl nümunələri də qonaqlara təqdim edilib.
Festivala bölgədə yaşayan türklərlə yanaşı, başda amerikalılar olmaqla, müxtəlif millətlərdən olan ziyarətçilər böyük maraq göstəriblər.
Bütün xəbərlər Facebook səhifəmizdə
USD
EUR
GBP
RUB