...Ukrayna prezidenti Vladimir Zelenski ilk dəfə olaraq qanunvericilik səviyyəsində “Raşizm” anlayışının tərifini təsbit edən “Ukrayna xalqının milli yaddaşının dövlət siyasətinin əsasları haqqında” qanunu imzalayıb.
SİA xəbər verir ki, bu barədə Ali Radanın saytında yerləşdirilən məlumatda deyilir.
Sənədə əsasən, raşizm “rus nasist totalitar rejimi”nin əsasında duran totalitar ideologiya və praktikaların bir növü kimi şərh olunur.
Qanunda qeyd edilir ki, bu ideologiya rus şovinizmi və imperializmi ənənələrinə əsaslanır, həmçinin kommunist və milli sosialist (nasist) rejimlərinə xas olan təcrübələrdən istifadə edir.
Qanunda vurğulanır ki, Ukraynaya qarşı silahlı təcavüz başlayandan bəri Rusiya tarixi faktları aktiv şəkildə manipulyasiya edir, Ukrayna tarixini təhrif etməyə, “ümumi irs” tezisini tətbiq etməyə və müharibəni kvazitarixi povestlərlə əsaslandırmağa çalışır.
Yeni qanun bu cür təbliğata qarşı mübarizə alətinə və cəmiyyəti keçmişin ümumi anlayışı ətrafında birləşdirmək yoluna çevrilməlidir.
Sənəddə “raşizm” termini ilə yanaşı, “Ukraynanın müstəqilliyi uğrunda müharibə”, “Ukrayna xalqına qarşı cinayətlər” və “tarixi anti-Ukrayna təbliğatı” kimi anlayışlar da təsbit edilib.
O, həmçinin nəzərdə tutur ki, Nazirlər Kabineti beş ildə bir dəfə Ukrayna Milli Yaddaş İnstitutunun təqdimatı əsasında Milli Yaddaşın Bərpası və Qorunması üzrə Dövlət Strategiyasını və onun həyata keçirilməsi üzrə tədbirlər planını təsdiq etsin.
Əli Babayev
Bütün xəbərlər Facebook səhifəmizdə
USD
EUR
GBP
RUB