...Rusiyalı politoloq Sergey Markov “Rambler”ə müsahibəsində Ermənistan hakimiyyətinin Avropa İttifaqına daxil olmaq planlarını şərh edib.
Ölkə hökuməti bundan əvvəl Avropa İttifaqına üzvlük prosesinin başlanması ilə bağlı qətnamə layihəsini təsdiqləyib və o, indi parlamentin müzakirəsinə çıxarılacaq.
Ermənistanın baş naziri Nikol Paşinyan qeyd edib ki, “bu, sözün hərfi mənasında Ermənistanın Avropa İttifaqına üzvlüyü demək deyil, çünki bu məsələ ilə bağlı qərar yalnız referendumla qəbul edilə bilər”.
...Vaxtilə Ermənistan Avrasiya İqtisadi Birliyinə və KTMT-yə qoşulub ki, Rusiya ordusu onun uğrunda Qarabağda Azərbaycana qarşı döyüşsün, erməni maraqları uğrunda vuruşsun.
Məlum olduğu kimi, İrəvan buna nail ola bilməyib. Və sonra Ermənistan böyük tərəfdaşını, Rusiyanı Qərbə dəyişmək qərarına gəldi. Nikol Paşinyan buna siyasi cəhətdən hazırdır, o, Soros fondlarının himayədarıdır. Paşinyan Qərbə Rusiyaya xəyanət etməyə və onu tərk etməyə hazır olduğunu bəyan edib, eyni zamanda hər cür üstünlüklər istəyib.
Və sonra ticarətə başlayıb. Qərbdə deyirdilər ki, əvvəl Rusiyaya xəyanət edirsən, yalnız bundan sonra bizdən iqtisadi, siyasi və hərbi dividendlər alacaqsan. Eyni zamanda Ermənistan rəhbərliyi hər şeyi tərs qaydada etməyi təklif etdi. Beləliklə, onlar "On iki stul" əsərində təsvir olunan klassik prinsipə əsaslanaraq sövdələşirlər - birinci olan pul və ya stul...
Sergey Markov vurğulayıb ki, Avropa İttifaqına üzvlük Avrasiya İqtisadi Birliyinə üzvlüklə ziddiyyət təşkil edir. ...Beləliklə, Ermənistan indi deyir ki, özünün strateji hədəfi kimi Avrasiya İqtisadi Birliyini yox, Avropa İttifaqını görür. Eyni zamanda, politoloq yaxın gələcəkdə İrəvanın Avropa İttifaqına daxil olmaq məqsədinə nail olmayacağı fikrini də ifadə edib.
...Ermənistan nə indi, nə bir ildən sonra, nə də beş ildən sonra Avropa İttifaqına üzv olmayacaq. Lakin Avropa İttifaqı ilə danışıqlar prosesində öz layihələrinə qoşulmaq, ondan pul almaq, eləcə də iqtisadi, siyasi, hətta hərbi dəstək vermək istəyir. Odur ki, Rusiya hakimiyyət nümayəndələrinin düzgün qeyd etdiyi kimi, Ermənistanın Avropa İttifaqına üzvlüyü ilə bağlı danışıqlara başlaması əslində onun Avrasiya İqtisadi Birliyindən çıxması ilə bağlı danışıqların başlanması deməkdir.
Eyni zamanda, hesab edirəm ki, Avropa İttifaqına üzvlük qüvvəyə minənə qədər Ermənistan bütün dividendlərdən maksimum yararlanmaq üçün Avrasiya İqtisadi Birliyində qalmağa çalışacaq. Nəzərinizə çatdırım ki, bir çox cəhətdən anti-Rusiya sanksiyaları Ermənistan vasitəsilə də yayındırılır.
Bunu deyən Markov hesab edir ki, Ermənistanın Avropa İttifaqına daxil olması ilə bağlı danışıqlar prosesi çox uzun çəkəcək.
...Bu, uzun illər və hətta onilliklər davam edə bilər,- deyə ekspert yekunlaşdırıb.
Qeyd edək ki, Ermənistan müxalifəti bundan əvvəl Paşinyanın Avropa İttifaqına daxil olmağa hazır olması ilə bağlı dediklərini fars adlandırmışdı.
Əli Babayev
Bütün xəbərlər Facebook səhifəmizdə
USD
EUR
GBP
RUB
