Afrikanın cənubunda son 40 ilin ən şiddətli quraqlığının səbəb olduğu ərzaq böhranı səbəbi ilə bu aydan etibarən bölgədə 15 milyon insanın təcili ərzaq yardımına ehtiyacı var. SİA xarici KİV-ə istinadən xəbər verir ki, Dünya Meteorologiya Təşkilatının məlumatına görə, El Nino hava hadisəsi səbəbindən Afrikanın cənubunda, xüsusilə Zambiya, Malavi, Zimbabve, Mozambik, Namibiya, Anqola, Botsvana və Lesotoda son 40 ilin ən şiddətli quraqlığı yaşanıb. 2023-cü ilin iyul ayından bu yana davam edir.
Quraqlıq səbəbi ilə aprel ayında son 5 ilin ən pis məhsulunu alan bölgə ölkələri ərzaq ehtiyatlarının tükənməsi səbəbindən ciddi ərzaq böhranı ilə üzləşir. Digər tərəfdən, qida çatışmazlığı və susuzluq səbəbi ilə önümüzdəki aylardan etibarən bölgədə epidemiya xəstəliklərində sıx artım gözlənilir.
Cənubi Afrika İnkişaf Birliyinin məlumatlarına görə, quraqlıqdan ən çox zərər çəkən Zambiya, Malavi, Zimbabve, Mozambik, Anqola, Namibiya, Lesoto və Botsvananın ümumi əhalisi 130 milyon nəfərdir. Müvafiq olaraq, bu əhalinin yarıdan çoxu olan 68 milyon insanın quraqlıq və qıtlıq səbəbilə müxtəlif səviyyələrdə yardıma ehtiyacı var. Ümumdünya Səhiyyə Təşkilatının (ÜST) oktyabrın 14-də dərc etdiyi "Cənubi Afrikada aclıq" adlı hesabata görə, regionda 22 milyondan çox insan yüksək səviyyədə qida çatışmazlığı ilə üzləşib.
Hesabatda, 2025-ci ilin aprelində növbəti məhsul dövrünə 6 ay qaldığına görə, region ölkələrinin qeyri-kafi ərzaq ehtiyatlarının tükənmək ərəfəsində olduğu vurğulanıb. Hesabatda bu vəziyyətin bölgədəki 15 milyon insanın bu aydan etibarən təcili ərzaq yardımına möhtac qalacağına, gələn aydan etibarən bölgədə yaşanacaq ciddi humanitar böhrana diqqət çəkilib. Hesabatda regionda 2 milyon uşağın kəskin qida çatışmazlığından əziyyət çəkdiyi və onlardan 500 minə yaxınının son dərəcə “zəif” olduğu bildirilib.
Bütün xəbərlər Facebook səhifəmizdə
USD
EUR
GBP
RUB
