Kolumbiya rəhbərliyi Tehranı "beynəlxalq terrorçu qruplarla iddia edilən əlaqələrdə" ittiham edərək İranla diplomatik əlaqələri kəsmək qərarına gəlib.
SİA xarici KİV-ə istinadən xəbər verir ki, Latın Amerikası respublikasının Xarici İşlər Nazirliyinin saytında dərc olunmuş bəyanatda deyilir: "Xarici İşlər Nazirliyi Kolumbiya hökuməti adından rəsmi olaraq İran İslam Respublikası ilə diplomatik əlaqələri kəsdiyini elan edir. Qərar İran hökumətinin ölkənin təhlükəsizliyini təhdid edən beynəlxalq terrorçu qruplar və digər narkoterror təşkilatları ilə iddia edilən əlaqələri nəzərə alınmaqla qəbul edilib."
Boqota hesab edir ki, İran hakimiyyəti həmçinin "insan haqlarının pozulmasında, Yaxın Şərq münaqişəsində iştirak etməyən ölkələrə hücumlarda, Hörmüz boğazını bağlamaqda və Beynəlxalq Atom Enerjisi Agentliyinin (BAEA) İranın nüvə proqramının əhatə dairəsini yoxlamaq səylərinə mane olmaqda" iştirak edir.
Kolumbiya Xarici İşlər Nazirliyi qeyd edir ki, diplomatik əlaqələrin kəsilməsi konsulluq əlaqələrinin kəsilməsini nəzərdə tutmur.
Abelardo de la Espriella avqust ayında Kolumbiya Prezidenti vəzifəsinə təyin edilib. Siyasətçi ABŞ ilə daha güclü hərbi əməkdaşlığın tərəfdarıdır və Amerika ordusunun narkotik kartel laboratoriyalarına qarşı zərbələrdə iştirakı ehtimalını nəzərdən keçirmək niyyətindədir.
De la Espriella, Qəzza zolağındakı münaqişə fonunda 2024-cü ilin may ayında Qustavo Petro hökuməti tərəfindən kəsilən İsrail ilə münasibətləri bərpa etməyi planlaşdırır.
Bütün xəbərlər Facebook səhifəmizdə
USD
EUR
GBP
RUB