Latviya məhkəməsi Ukrayna tərəfində döyüşən Rusiya vətəndaşına sığınacaq verilməsi barədə qərar qəbul edib.
SİA-nın əldə etdiyi məlumata görə, əvvəllər kifayət qədər sübut olmadığına görə ona rədd cavabı verilmişdi.
Adı açıqlanmayan rus 2022-ci ildə müdafiə üçün məhkəməyə müraciət edib. O, Latviyada anadan olub, sonra Ukraynada yaşayıb, lakin Rusiya vətəndaşlığı da olub. 2014-cü ildə o, Ukraynayönlü Donbass batalyonunun könüllüsü olub. Bir neçə ay sonra o, onun tərkibindən çıxıb, çünki aldığı zədələrə görə daha döyüşə bilməyib.
Keçmiş hərbçi Ukrayna vətəndaşlığı və ya yaşayış icazəsi almağa çalışsa da, Rusiya pasportu gülləbaran zamanı yandığından, sənədləri bərpa etmək üçün Rusiyaya getməyə qorxub. Ona görə də o, rəsmi orqanlara sənədlərin tam paketini təqdim edə bilməyib.
Rusiyanın Ukraynaya genişmiqyaslı hərbi təcavüzü başlayandan sonra o, qaçqın statusu almaq üçün Latviyaya gedib, lakin miqrasiya xidmətləri ondan imtina edib.
2022-ci ilin dekabrında məhkəmə bu qərara yenidən baxılmasını tələb edib. Latviyanın Dövlət Təhlükəsizliyi Xidməti də Rusiya vətəndaşlığı olan keçmiş Ukrayna əsgərinə qaçqın statusu verilməsinə heç bir maneə görmədiyi ilə razılaşıb.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB