Yanğın artıq sursat anbarına çatıb

Yunanıstanda meşə yanğınları əhatə dairəsini genişləndirirək ölkənin Hərbi Hava Qüvvələrinin Maqnisiya vilayətindəki Nea Anxialos şəhəri yaxınlığında yerləşən sursat anbarına sıçrayıb və nəticədə anbarda ardıcıl partlayışlar baş verir.

SİA-nın əldə etdiyi məlumata görə, bu barədə xəbəri Yunanıstanın “ERT-1” telekanalı yayıb.

Yunanıstanın Milli Müdafiə Baş Qərargahı da yanğının Nea Anxialosdakı hərbi düşərgənin ərazisinə sıçradığı barədə məlumatı təsdiqləyib. Şahidlərin bildirdiyinə görə, anbar olan hissədə sursat partlayışlarının səsi eşidilir.

Söhbət Yunanıstan Hərbi Hava Qüvvələrinin 111-ci döyüş qanadının mərmi və raketlərinin olduğu sursat anbarlarının yerləşdiyi Karaba bölgəsindən gedir.

WhatsApp-da Səs Media Qrupu kanalını izləyin