...Yeni Volkswagen ID.3 Neo Almaniyada təqdim edilib. Elektrikli hetçbekin daxili hissəsi kökündən yenidən dizayn edilib və yürüş məsafəsi 600 km-i keçib.
Volkswagen ID.3 elektrik avtomobili əsaslı təmirdən keçib və 16 apreldə əvvəlcədən sifariş üçün əlçatan olub.
SİA xarici qaynaqlara istinadən xəbər verir ki, təfərrüatlar alman avtomobil istehsalçısının veb saytında açıqlanıb.
Bu yaxınlarda Volkswagen-in baş direktoru Tomas Şefer VW ID.3 və ID.4 elektrik avtomobillərini tənqid edərək, onları “əsl Volkswagen deyil” sayıb, çünki o, bir sıra dizayn səhvlərinə yol verildiyinə inanır.
Neo versiyası bunları düzəldir.
2026-cı il Volkswagen ID.3 yeni korporativ dizaynda yenilənib. Fənərlər artıq LED zolaqla birləşdirilib, arxa işıqlar və bamperlər də yenilənib.
Volkswagen ID.3 Neo-nun interyeri daha əhəmiyyətli dəyişikliklərə məruz qalıb. Elektrik avtomobili yeni sükan, tablosuna və mərkəzi konsola sahib olub.
Yeni rəqəmsal cihaz paneli və daha böyük (10.25 və ya 12.9 düym) mərkəzi sensor ekran da quraşdırılıb, əlavə olaraq genişləndirilmiş reallıq ön ekranı da mövcuddur.
Digər vacib dəyişiklik çox sayda fiziki açarın əlavə edilməsidir.
Onların olmaması həm VW ID.3 sahiblərinin, həm də mütəxəssislərin və avtomobil jurnalistlərinin şikayəti idi. Volkswagen ID.3 Neo üçün mövcud olan seçimlərə panoramik dam, hərtərəfli kameralar, Harman Kardon audio, dayanacaq köməkçisi, elektrik və masaj oturacaqları daxildir. Güc aqreqatları da təkmilləşdirilib. Yeni Volkswagen ID.3 50, 58 və 79 kVt/saat batareyalarla 170, 190 və 231 at gücündə versiyalarda debüt edib.
Yürüş məsafəsi 630 km-ə qədər artıb.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
