...Ferrari F40 superkarının motosiklet mühərrikli surəti olan F-Racer Junior Sotheby's-də 30-50 min dollar arasında satılır. Orijinal avtomobilin qiyməti 3 milyon dollardan çox olacaq. Ferrari F40 superkarının nüsxəsi, motosiklet mühərrikli F-Racer Junior, Sotheby's-də 30.000-50.000 dollar arasında satılır.
SİA xəbər verir ki, bu barədə Carscoops avtonəşri məlumat yayıb.
F-Racer Junior 1987-ci il Ferrari F40-ın daha kiçik nüsxəsidir, orijinalın qiyməti indi 3 milyon dolları ötür.
F-Racer Junior 1992-ci ildə istehsal edilib- bu, indiyə qədər bu konfiqurasiyada yığılmış 10 avtomobildən biridir.
Təqdim olunan nümunə qara rəngə boyanmışdır, bu real F40 üçün olduqca nadirdir.
Avtomobil uşaqlığını xatırlamaq istəyən iki uşaq və ya bir böyük üçün idealdır.
Ferrari F40 nüsxəsi zəncir ötürücülü 270cc benzinli motosiklet mühərriki ilə təchiz edilmişdir.
Onun 56 km/saat maksimal sürətə çatması nəzərdə tutulur. Müəlliflər vurğulayırlar ki, ..yolda olmaq kifayət deyil, lakin səkidə sürmək və ya qolf meydançası ətrafında yarışmaq üçün kifayətdir.
Avtomobilin bəzi hissələri, o cümlədən mühərrik qapağı və arxa qanadı əsl F40-dan yaxşı surətdə kopyalanıb.
Ancaq bəzi komponentlər olduqca qəribə görünür - əyri baqaj qapağı, kiçik egzoz boruları və arxa işıqlar.
Avtomobilin dörd təkərdə də hidravlik disk əyləcləri, müstəqil asma (bir oxda hər təkər digərlərindən asılı olmayaraq hərəkət edir - red.) və arxa diferensialla təchiz olunması da heyranedicidir.
Salonun içərisində hər şey mümkün qədər sadədir: sükan çarxı, xalça, karbon lifi ilə bəzədilmiş alətlər paneli və bir neçə funksional alət. F-Racer Junior, Ferrari F40-dan qat-qat sərfəli olsa da, bu, onun ucuz olması demək deyil.
Tələb olunan qiymət müxtəlif modellərdən olan yeni Toyota, Ford və ya BMW, o cümlədən yaxşı təchiz olunmuş yolsuzluq avtomobilləri almaq üçün kifayətdir.
Nazlı Almuradova
Bütün xəbərlər Facebook səhifəmizdə
.jpg)
USD
EUR
GBP
RUB