...Britaniya şirkəti cəmi 18 saniyəyə tam enerji ilə doldurula bilən elektromobillər üçün VarEVolt akkumulyatorunun kütləvi istehsalına icazə alıb.
SİA-nın məlumatına görə, bu barədə Livescience yazır.
RML Group-un güc aqreqatlarının rəhbəri Ceyms Arkell mətbuata açıqlamasında “Bu sertifikat bizim prototiplərdən və məhdud həcmlərdən kənara çıxaraq genişmiqyaslı istehsal müqavilələrini dəstəkləmək öhdəliyimizi vurğulayır” deyib.
Qeyd edilir ki, RML akkumulyatoru qısa müddət ərzində nəhəng enerji ötürməyə qadirdir. İdarə Heyətinin üzvü Maykl Mallokun sözlərinə görə, VarEVolt hər kiloqram kütlə üçün 6 kilovat enerji verə bilir və “bütün bu gücü inanılmaz dərəcədə tez buraxmağa” qadirdir.
Batareyanın 200C dərəcəsi var, yəni təxminən 18 saniyə ərzində tam doldurula və ya boşaldıla bilər.
Müqayisə üçün deyək ki, tam elektriklə işləyən Porsche Taycan-ın akkumulyatorunun reytinqi 5C-dir və buna görə də onun tam doldurulması və ya boşaldılması 12-15 dəqiqə çəkir.
Tərtibatçıların dediyinə görə, VarEVolt-un modul dizaynı batareyanı müxtəlif vəzifələr üçün fərdiləşdirməyə imkan verir.
Baş direktor Paul Dickinson, “...Biz diqqəti məsafəyə, gücə diqqət edə bilərik və ya nəqliyyat vasitəsinin növündən asılı olaraq ikisini balanslaşdıra bilərik”-deyib.
Bəzi kiçik avtomobil istehsalçıları artıq VarEVolt batareyasından istifadə edirlər. O, akkumulyatorlu elektrik mühərriki ilə benzin yanma mühərrikini birləşdirən futuristik Czinger 21C hiperkarını gücləndirir.
RML hazırda bir anda bu batareyalardan yalnız bir neçəsini istehsal edir, lakin gələcəkdə genişmiqyaslı istehsal 21C kimi eksklüziv modellərdən kənara çıxa bilər.
Mallok bildirib ki, şirkət həmçinin LaFerrari və ya McLaren P1 kimi köhnə hiperkarların akkumulyatorlarını daha yeni versiyalara təkmilləşdirmək üçün dəst hazırlayır.
...Belə avtomobillər üçün akkumulyatoru əvəz edə bilərik ki, bu da diapazonu əhəmiyyətli dərəcədə artıracaq. Əgər avtomobildəki digər avadanlıqlar buna imkan verirsə, onda səkkiz dəfə gücə malik versiya mümkündür.
Bunu idarə heyətinin üzvü qeyd edib.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB