"Süni intellekt (Sİ) texnologiyaları həyatımızı dəyişdirir və asanlaşdırır. Lakin onun bəzi mənfi tərəfləri də var. Bunlardan ən mühümü iş yerlərinin azaldılmasıdır. Süni intellekt çox işləri avtomatik edir. İnsanların gördüyü bəzi işləri maşınlar və proqramlar əvəz edir. Məsələn, fabriklərdə robotların işləməsi və ya kassalarda özünəxidmət terminallarının istifadəsi bəzi insanların işsiz qalmasına səbəb ola bilər". Bu sözləri kibertəhlükəsizlik üzrə mütəxəssis Fərid Əmirov SİA-ya aşıqlamasında deyib.
Onun sözlərinə görə, süni intellektin digər yaratdığı fəsadlar sırasında məlumatların təhlükəsizliyi yer alır: "Süni intellekt şəxsi məlumatlarımızı işləyir və saxlayır. Bu məlumatlar oğurlanarsa və ya düzgün istifadə olunmazsa, məxfiliyə ciddi təhlükə yarana bilər. Məsələn, bank məlumatları və ya şəxsi şəkillər yanlış əllərə düşə bilər. Digər sıralarda yanlış qərarlar və ədalətsizlikdir.Süni intellekt düzgün proqramlaşdırılmayanda səhv qərarlar verə bilər. Məsələn, işə qəbul üçün istifadə olunan Sİ sistemləri bəzi insanları haqsız yerə rədd edə bilər. Bu, xüsusilə sistemlərin müəyyən qrup insanlara qarşı yanlı olduğu hallarda baş verə bilər.Dördüncü sırada kiber təhlükələrdir.
Süni intellekt həm də zərərli məqsədlər üçün istifadə edilə bilər. Məsələn, kibercinayətkarlar süni intellektdən istifadə edərək daha mürəkkəb hücumlar təşkil edə bilərlər. Bunun nəticəsində kompüterlər və şəbəkələr üçün böyük təhlükə yarana bilər".
Həmçinin ekspert qeyd edib ki, digər sıralarda etik problemlər yer alır: "Süni intellektin qərarları bəzən etik qaydaları poza bilər. Məsələn, döyüşlərdə istifadə olunan süni intellekt sistemləri, insanlar üzərində tam nəzarət olmadıqda, ciddi problemlərə səbəb ola bilər. Bu texnologiyanın hansı sahələrdə və necə istifadə ediləcəyi ilə bağlı etik suallar daim gündəmdədir.Texnologiyanın sürətli inkişafı ilə insanlar bir-biri ilə daha az ünsiyyət qurur. Süni intellekt sistemləri ilə danışıq və yazışmalar, real insan əlaqələrini əvəz edə bilər. Bu, sosial tənhalığa və əlaqələrin zəifləməsinə səbəb ola bilər.Nəticədə isə süni intellekt böyük imkanlar təqdim edir, lakin bu texnologiyadan məsuliyyətlə istifadə etmək çox vacibdir. Həm iş yerlərinin qorunması, həm etik qaydaların tətbiqi, həm də məlumat təhlükəsizliyinin təmin edilməsi üçün diqqətli olmalıyıq. Süni intellektdən həm inkişaf, həm də məsuliyyətli yanaşma ilə istifadə etməliyik".
Bütün xəbərlər Facebook səhifəmizdə
USD
EUR
GBP
RUB