Ardıcıl 4-cü ev qələbəsi STATİSTİKA

Azərbaycan Premyer Liqasının IV turunda "Qəbələ" "Sumqayıt"la qarşılaşdı. Siasport.az saytının məlumatına görə, öz meydanındakı uğurlu seriyasını davam etdirən komanda 4:1 hesablı qələbə qazandı. Növbəti böyükhesablı qələbə dubl, ilk, həmçinin yubileylərlə əlamətdar oldu.

- "Qəbələ" ardıcıl 4-cü dəfə ev oyununda qalib gəldi. Sonuncu dəfə aprelin 7-də "Xəzər Lənkəran"a uduzan komanda 119 gündür qonaqlara xal vermir.

- Bundan əvvəlki 3 ev oyununda qapısından qol buraxmayan "Qəbələ" sonuncu dəfə 119 gün əvvəl "Xəzər Lənkəran"la matçda qapısında qol görmüşdü. Həmin matçda Branimir Subaşiçin 3-cü dəqiqədə fərqlənməsindən sonra 375 dəqiqə idi meydan sahibləri qol buraxmırdı. "Sumqayıt"lı Ruslan Qurbanov bu seriyanı dayandıra bildi.

- "Sumqayıt" ilk komanda oldu ki, Premyer Liqada ən azı 3 oyunda "Qəbələ"yə məğlub olub. Komandanın Premyer Liqada daha 2 rəqibi var ki, onlarla oyunlarda "Qəbələ" xal itirməyib. Bunlar ABN və "Bakılı"dır ki, onların hərəsi 2 dəfə məğlub edilib.

- Sonuncu dəfə ötən mövsümün 30-cu turunun "Bakı" ilə oyununda (4:0) böyük hesabla qalib gələn "Qəbələ" 119 gündən sonra darmadağına imza atdı.

- Cari mövsümdə ilk belə qələbəsini qazanan komanda ümumilikdə tarixində 29-cu dəfə böyük hesabla qalib gəldi. Bu, 2012-ci ildə 4-cü böyük hesablı qələbədir ki, hər dəfə "Qəbələ" 4 qolla buna nail olub.

- 29 qələbənin 11-i birinci dəstə, 4-ü ölkə kubokuna təsadüf edibsə, Premyer Liqada 14-cü dəfə 3 və ya daha çox top fərqi ilə qələbə əldə olunub.

- "Qəbələ" 18-ci dəfə öz meydanında böyük hesabla qalib gəlib. Bunların 7-si birinci dəstə, 2-si kuboka təsadüf etmişdisə 9-cu dəfə Premyer Liqa qonaqlar darmadağın edildi. Digər 11 darmadağın isə səfərdə gerçəkləşib.

- Premyer Liqadakı 14 böyükhesablı qələbənin 7-si Ramiz Məmmədov, 3-ü Toni Adams, 4-ü Fatih Kavlakın baş məşqçiliyi dövrünə təsadüf edib.

- 3-cü dəfə "Sumqayıt"la qarşılaşan komanda tarixində ilk dəfə bu rəqibə 3 top fərqilə qalib gəldi. Böyük hesabla məğlub etdiyi rəqiblər sırasında 20-ci "qurban" olan "Gənclik şəhəri" təmsilçisinə qədər MOİK ilə "Muğan"ın hərəsini 3, "Şərur", "Gənclərbirliyi-2", "Energetik", "Şahdağ" (Quba) və "Simurq"un hərəsini 2 dəfə məğlub edən "Qəbələ" futbolçuları digər 13 rəqibi 1 dəfə ağır məğlubiyyətə məruz qoyublar.

- "Qəbələ"nin bütün böyük hesablı qələbələri

2005/06

21.09.2005

Birinci divizion

Göy-Göl (Xanlar) - Şərur (Bakı)

8:0

2005/06

15.10.2005

Azərbaycan kuboku

MOİK (Bakı) - Göy-Göl (Xanlar)

0:4

2005/06

16.11.2005

Birinci divizion

Göy-Göl (Xanlar) - Gənclərbirliyi-2 (Sumqayıt)

4:1

2005/06

07.12.2005

Birinci divizion

Energetik (Mingəçevir) - Göy-Göl (Xanlar)

0:3

2005/06

15.02.2006

Birinci divizion

Şərur (Bakı) - Gilan (Xanlar)

0:3

2005/06

22.02.2006

Birinci divizion

Gilan (Xanlar) - Rote Fahne (Tovuz)

4:1

2005/06

08.03.2006

Birinci divizion

Gilan (Xanlar) - Viləş (Masallı)

3:0

2005/06

22.03.2006

Birinci divizion

Gilan (Xanlar) - Ədliyyə (Bakı)

4:0

2005/06

19.04.2006

Birinci divizion

Gənclərbirliyi-2 (Sumqayıt) - Gilan (Xanlar)

1:4

2005/06

10.05.2006

Birinci divizion

Gilan (Xanlar) - Energetik (Mingəçevir)

6:0

2005/06

17.05.2006

Birinci divizion

Yeni Yevlax - Gilan (Xanlar)

0:3

2005/06

24.05.2006

Birinci divizion

Gilan (Xanlar) - Şahdağ-2 (Qusar)

4:0

2006/07

12.09.2006

Azərbaycan kuboku

Şahdağ (Quba) - Gilan (Qəbələ)

2:5

2006/07

16.10.2006

Azərbaycan kuboku

Gilan (Qəbələ) - Şahdağ (Quba)

6:0

2007/08

11.11.2007

Premyer Liqa

Gənclərbirliyi (Sumqayıt) - Qəbələ

0:6

2008/09

09.08.2008

Premyer Liqa

Qəbələ - Muğan (Salyan)

4:1

2008/09

17.08.2008

Premyer Liqa

MOİK (Bakı) - Qəbələ

0:3

2008/09

05.10.2008

Premyer Liqa

Qəbələ - Bakılı

3:0

2008/09

14.02.2009

Premyer Liqa

Muğan (Salyan) - Qəbələ

0:4

2008/09

22.03.2009

Premyer Liqa

Qəbələ - Karvan (Yevlax)

3:0

2009/10

07.11.2009

Premyer Liqa

Qəbələ - Muğan (Salyan)

3:0

2010/11

27.11.2010

Premyer Liqa

Qəbələ - Simurq (Zaqatala)

4:0

2010/11

04.12.2010

Premyer Liqa

MOİK (Bakı) - Qəbələ

0:3

2010/11

17.04.2011

Premyer Liqa

Qəbələ - Simurq (Zaqatala)

3:0

2011/12

30.11.2011

Azərbaycan kuboku

Qəbələ - Neftçala

3:0

2011/12

03.03.2012

Premyer Liqa

Rəvan (Bakı) - Qəbələ

0:4

2011/12

11.03.2012

Premyer Liqa

Qəbələ - Neftçi (Bakı)

4:1

2011/12

29.04.2012

Premyer Liqa

Qəbələ - Bakı

4:0

2012/13

26.08.2012

Premyer Liqa

Qəbələ - Sumqayıt

4:1

- "Sumqayıt" ilə oyunda "Qəbələ"nin futbolçusu Umar Kalabane dubla imza atdı. Bu matçadək klub tarixində 21 dubl var idisə, qvineyalı 22-ci dəfə 1 matçda 2 qolun vurulmasında pay sahibi oldu.

- İlk dəfə buna nail olan afrikalı klub tarixində dubl etmiş sayca 16-cı futbolçu oldu.

- 2008/09 mövsümündə dubl edən Kənan Kərimovdan sonra artıq 9-cu dəfə "Qəbələ"nin dubluna legioner imza atıb.

- Ümumilikdə Kənan hamıdan çox – 4, Rövşən Əhmədov, Vüsal Qarayev, Yannik Kamanan hərəyə 2 dubl müəllifi olublar.

- Bu 22 dubldan 4-ü birinci dəstə, 4-ü ölkə kubokuna təsadüf edibsə, Premyer Liqada 14 belə hal yaşanıb.

- "Qəbələ"nin bütün dublları

2005/06, I dəstə: Rövşən Əhmədov – 2, İbrahim Hüseynov, Qədir İlyasov – hərəyə - 1

2006/07, güclülər dəstəsi: Vüsal Qarayev - 1

2006/07, kubok: Vüsal Qarayev – 1

2007/08, güclülər dəstəsi: Bokunqu Ncioli Fiston, Vitali Balamestnı – hərəyə 1

2008/09, Premyer Liqa: Kənan Kərimov - 2

2008/09, kubok: Kənan Kərimov - 2

2009/10, Premyer Liqa: İqor Melnik, Kristian Torres, Tomaş Stolpa - hərəyə 1

2010/11, Premyer Liqa: Deon Barton – 1

2011/12, Premyer Liqa: Yannik Kamanan – 2, Luiz Hilario - 1

2011/12, kubok: Serge Cehua – 1

2012/13, Premyer Liqa: Umar Kalabane - 1

- Rəşad Abdullayev "Qəbələ"də ilk qolunu vurdu. O, klubun tarixində qol vuran 72-ci futbolçu oldu.

- Yarımmüdafiəçi həm də Premyer Liqada qol vuran 53-cü "Qəbələ"li oldu.

- Cari mövsümdə ilk dəfə fərqlənən Bruno da Silva 631 gündən sonra rəqib qapısına yol tapdı. O, sonuncu – bu matçadək yeganə olan qolunu 2010-cu il dekabrın 4-də MOİK-lə səfər matçında vurmuşdu.

- Yannik Kamanan "Qəbələ"də 20-ci oyununu keçirdi.

- Bruno da Silvanın vurduğu qol "Qəbələ"nin ev oyunlarında 175-ci qolu oldu.

- Fatih Kavlakın rəhbərliyi altında 10-cu ev qələbəsini qazanan komandanın üzvü Umar Kalabanenin ilk qolu türkiyəlinin rəhbərliyi vaxtında ümumilikdə 25-ci, Premyer liqada 20-ci ev qolu oldu.

- Həmin qol Kavlaklı "Qəbələ"nin ümumilikdə 40-cı, çempionatda 35-ci qolu kimi də tarixə düşdü.

Bütün xəbərlər Facebook səhifəmizdə