“Neftçi” daha bir futbolçunu əsas komandaya cəlb edir

\"Neftçi\"nin 16 yaşlı futbolçusu Fəhmin Muradbəyli əsas komandanın heyətinə cəlb olunacaq. Siasport.az saytının məlumatına görə, məşqçilər korpusunun qərarı ilə gənc futbolçu əsas komanda ilə birgə təlim-məşq toplanışlarında iştirak edəcək. Fəhmin Muradbəyli hazırda 17 yaşlı futbolçulardan ibarət yığma komandanın heyətində "Caspian Cup" turnirində uğurla çıxış edir. Yeniyetmə futbolçu meydana çıxdığı 2 oyunda fərqlənməyə müvəffəq olub. Futbolçu əsas komandaya cəlb olunması ilə bağlı fikirlərini klubun rəsmi saytına bildirib: \"Neftçi\"nin əsas komandasına cəlb olunmaq hər gənc futbolçunun arzusudur. Sevinirəm ki, məşqçilər heyəti bu şansı mənə verdi. Gənc futbolçu üçün bundan böyük xoşbəxtlik ola bilməz\".

Bütün xəbərlər Facebook səhifəmizdə