YAP Gəncə şəhər təşkilatının gəncləri şəhid ailələrini ziyarət ediblər

Sentyabrın 27-dən başlayaraq Azərbaycan Ordusunun həyata keçirdiyi əks hücum əməliyyatları zamanı doğma torpaq, Vətən uğrunda canını fəda edərək şəhidlik zirvəsinə yüksələnlər həm də öz adını xalqın tarixi yaddaşına həkk etdilər. Onlar Vətən, dövlət və xalq qarşısında öz borcunu sonadək ödəyib qəhrəmanlıq nümunəsi yaratdılar, milyonlarla insanın sevgisini, rəğbətini qazandılar. SİA-nın verdiyi məlumata görə, böyük zəfərimizlə bitən 44 günlük Vətən müharibəsi Ali Baş Komandan İlham Əliyevin”qeyd etdiyi kimi, qəhrəman əsgər və zabitlərimiz hesabına reallaşdı.

Gəncə şəhər İcra Hakimiyyətinin dəstəyi, YAP Gəncə şəhər təşkilatı Gənclər Birliyinin təşəbbüsü ilə bir qrup gənc könüllü Vətən uğrunda canlarından keçən şəhidlərimizin ailələrini ziyarət edib, gündəlik qayğıları, problemləri ilə yaxından maraqlanıblar.

Gənclər bildiriblər ki, Azərbaycan dövləti şəhidlərimizin xatirəsini həmişə uca tutur. Şəhidlərimiz kimi, onların ailələri, övladları da bizim üçün çox qiymətli və dəyərlidirlər. Şəhidlik zirvəsinə ucalan qəhrəmanların keçdikləri şərəfli ömür yolu gələcək nəsillərə örnəkdir: ”Torpaqlarımızın azadlığı, Vətənimizin illərdir düşmən tapdağından xilas olması üçün canından keçən Azərbaycanın mərd oğulları - Şəhidlərimiz, Qazilərimiz qürur mənbəyimizdir”.

Müəllif: Ceyhun Rasimoğlu

Bütün xəbərlər Facebook səhifəmizdə

loading...