Türkiyəli rəsmidən Azərbaycana dəstək - Şamil Ayrım

“Bütün dünya COVID-19-la savaşarkən Ermənistan əvvəlcə Qarabağda beynəlxalq təşkilatların tanımadığı parlament və prezident seçkiləri keçirdi. Dünən isə cəbhənin Tovuz istiqamətində top atəşləri ilə təxribat törətib”. SİA-nın məlumatına görə, bu sözləri Türkiyə-Azərbaycan Parlamentlərarası Dostluq Qrupunun rəhbəri, Türkiyə Böyük Millət Məclisinin deputatı Şamil Ayrım qeyd edib.

Azərbaycan-Ermənistan arasında Tovuz rayonu istiqamətində gedən döyüşlər barədə fikirlərini bildirən türkiyəli deputat qeyd edib ki, bölgədə Ermənistanın daim atəşkəsi pozması və dünənki hücumlar rəsmi İrəvanın regional sülh və sabitliyi istəməməsinin əhəmiyyətli sübutudur: “Beynəlxalq toplumu Ermənistanın Azərbaycana qarşı təxribatçı siyasəti və iki ölkə sərhədindəki təxribatçı hərəkətlərini şiddətlə qınamağa, Azərbaycanın ərazi bütövlüyü çərçivəsində məsələnin həllinə qovuşmasını təmin etməyə çağırırıq. Türkiyə hər zaman Can Azərbaycanın yanındadır!”.

Şamil Ayrım ötən gün düşmən təxribatı nəticəsində həlak olan Azərbaycan şəhidlərinə Allahdan rəhmət diləyib.

Müəllif: Aysel Məmmədova

Bütün xəbərlər Facebook səhifəmizdə