"Sevindirici haldır ki, artıq ikinci dəfədir Avropa Şurası Parlament Assambleyasının (AŞPA) Azərbaycanın ərazisi olan Dağlıq Qarabağın Ermənistan dövləti tərəfindən işğal olunmasına dair qərar çıxarıb". Bunu SİA-ya politoloq Qabil Hüseynli AŞPA-nın Payız sessiyasında Azərbaycanın ərazisi olan Dağlıq Qarabağın Ermənistan dövləti tərəfindən işğal olunmasına dair qəbul olunan qərarına münasibət bildirərkən deyib.
Politoloqun sözlərinə görə, AŞPA-nın çıxardığı qərar Ermənistan-Azərbaycan, Dağlıq Qarabağ münaqişəsinin həlli üçün ciddi siyasi əsaslar yaradır: "Çünki indiyədək İslam Konfransı Təşkilatı (İKT) və bir neçə dövlət DQ-nın Azərbaycanın ərazisi olması haqqında fikirlərini bildirib. BMT-nin Baş Assambleyası isə bu məsələ ilə bağlı birmənalı olmayan fikir səsləndirmişdi. Amma hazırda AŞPA kimi nüfuzlu bir beynəlxalq təşkilatın belə fikir bildirməsi sevindirici haldır. Zənnimcə, rəsmi Bakı İKT-nin, AŞPA-nın qərarlarından istifadə edərək BMT-nin Baş Assambleyasında Dağlıq Qarabağın Azərbaycan ərazisinin ayrılmaz tərkib hissəsi olması haqqında siyasi qətnamə çıxarılmasına nail olmalıdır. Yalnız bundan sonra BMT-də Ermənistanı təcavüzkar elan etdirib işğalçı dövlətə qarşı sanksiyalar tətbiq etmək olar. Bildiyiniz kimi, BMT-nin Azərbaycanla bağlı 4 qətnaməsi var. Çox təəssüflər olsun ki, hələ də həmin qətnamələrin heç biri icra olunmayıb".
Bütün xəbərlər Facebook səhifəmizdə
USD
EUR
GBP
RUB