Avropa Azərbaycanlıları Konqresi (AAK) 31 mart - Azərbaycanlıların soyqırımı günü ilə əlaqədar Almaniya Bundestaqının sədri Norbert Lammertə bəyanat xarakterli məktub ünvanlayıb.
Diasporla İş üzrə Dövlət Komitəsindən SİA-ya verilən məlumata görə, bəyanatda deyilir ki, martın 31-də erməni millətçilərinin Azərbaycan xalqına qarşı törətdiyi soyqırımdan 95 il ötür. 1918-ci ilin mart-aprel aylarında baş verən kütləvi qırğınlar zamanı silahlı erməni əsgərləri dinc əhalini amansızcasına qətlə yetirib. Bakı, Gəncə quberniyalarında, Quba, Xaçmaz, Şamaxı, Lənkəran, Muğan qəzalarında və digər bölgələrdə də bu cür qanlı faciələr törədilib. Bəyanatda, həmçinin 1992-ci il fevralın 25-dən 26-na keçən gecə erməni hərbi birləşmələrinin Azərbaycanın Xocalı şəhərinə hücuma keçərək dinc əhaliyə amansız divan tutduğu və onların vəhşiliyi nəticəsində 613 nəfərin şəhid, 487 nəfərin əlil olduğu, 1275 nəfər dinc sakinin- qocalar, uşaqlar və qadınların əsir götürələrək ağlasığmaz zülmə və təhqirlərə məruz qaldığı da vurğulanıb.
Almaniya Azərbaycanlıları Konqresi Almaniya Bundestaqını nüfuzlu beynəlxalq təşkilatlara müraciət edərək Azərbaycanın haqlı mövqeyini dəstəkləməyə, soyqırımı dövlət siyasətinin tərkib hissəsinə çevirmiş Ermənistan dövlətinə sanksiyalar tətbiq etməyə, Azərbaycanın ərazi bütövlüyünün, qaçqın və məcburi köçkünlərin kütləvi şəkildə pozulmuş hüquqlarının bərpasına biganə yanaşmamağa çağırıb.
Bütün xəbərlər Facebook səhifəmizdə
USD
EUR
GBP
RUB