Prezident və birinci xanım Mehriban Ağdam Muğam Mərkəzinin açılışında...
Mayın 10-da Azərbaycan Respublikasının Prezidenti İlham Əliyev və birinci xanım Mehriban Əliyeva Ağdam Muğam Mərkəzinin açılışında iştirak ediblər.
AZƏRTAC xəbər verir ki, mədəniyyət naziri Adil Kərimli dövlətimizin başçısına və birinci xanıma burada yaradılan şərait barədə məlumat verib.
Ağdam Muğam Mərkəzinin təməli 2023-cü ilin mayında Prezident İlham Əliyev və birinci xanım Mehriban Əliyeva tərəfindən qoyulub.
Mərkəzdə kafe, kinozal, kitabxana və iki rəqs zalı yaradılıb. Buradakı 507 yerlik konsert zalında müxtəlif mədəni tədbirlər, o cümlədən muğam konsertləri təşkil etmək üçün hərtərəfli şərait var. Mərkəzdə 15 dərs otağı, sərgi salonu, iclas zalı və digər otaqlar yaradılıb.
Muğam Mərkəzinin ərazisində 615 tamaşaçı tutumu olan açıq amfiteatr da inşa edilib.
Mərkəz Qarabağ bölgəsində qədim muğam sənəti incisinin işğaldan əvvəlki şöhrətinin bərpası, tədrisi və təbliğində, gənc nəsildə muğama sevginin aşılanmasında mühüm rol oynayacaq.
Qeyd edək ki, muğamın təbliği və inkişafı istiqamətində dövlətimiz tərəfindən görülən işlərə Azərbaycanın birinci xanımı Mehriban Əliyevanın rəhbərlik etdiyi Heydər Əliyev Fondu da mühüm töhfələr verir. Fondun təşkilatçılığı və dəstəyi ilə bu istiqamətdə respublika və beynəlxalq əhəmiyyətli ənənəvi layihələr həyata keçirilir. Bu layihələrin nəticəsidir ki, Azərbaycan muğamı UNESCO-nun “Bəşəriyyətin şifahi və qeyri-maddi mədəni irsinin şah əsərləri” siyahısına salınıb.
Sonra dövlətimizin başçısı tədbirdə çıxış edib.
-Əziz dostlar, əziz ağdamlılar, bu gün ölkəmizin tarixində çox gözəl bir gündür. Dirçələn Ağdam şəhərində Muğam Mərkəzinin açılışı tarixi bir gündür. Bu münasibətlə sizi və bütün Azərbaycan xalqını ürəkdən təbrik edirəm.
Bu gözəl tədbirin mayın 10-da keçirilməsi, təbii ki, rəmzi məna daşıyır. Bu gün Ulu Öndər Heydər Əliyevin doğum günüdür. Mənim üçün, hər bir vətənpərvər insan üçün əziz bir gündə bu tədbiri keçirmək, əlbəttə ki, böyük məna daşıyır. Ulu Öndərin bütün həyatı, bütün fəaliyyəti Azərbaycan xalqına, dövlətinə həsr edilmişdir və bugünkü Azərbaycan onun əsəridir. Məhz onun 1993-cü ildə Azərbaycan rəhbərliyinə gəlməsindən sonra Azərbaycan inkişaf yoluna qədəm qoydu. Vəziyyət çox ağır idi. O günləri yaşayan insanlar bunu çox yaxşı xatırlayırlar. Ölkə demək olar ki, idarəolunmaz vəziyyətdə idi. Ölkədə özbaşınalıq, xaos, anarxiya hökm sürürdü. İqtisadiyyat iflic vəziyyətdə, torpaqlarımız isə işğal altında idi və işğal davam edirdi. Ermənistan xarici dəstək ilə Azərbaycana qarşı öz işğalçılıq siyasətini həyata keçirirdi. Nizami ordu demək olar ki, yox idi. Belə bir böhranlı vəziyyətdə - daxili çəkişmələr, müxtəlif bölgələrimizdə xoşagəlməz hadisələr baş verdiyi bir dövrdə xalqın tələbi ilə Ulu Öndərin hakimiyyətə gəlməsi bizim üçün nicat yolunu açdı və o vaxtdan bu günə qədər Azərbaycan inkişaf yolu ilə gedir.
Otuz iki il ərzində bir çox hadisələr baş vermişdir. Ancaq bütün hadisələrə, bütün çətinliklərə baxmayaraq, biz inkişaf yolumuzdan dönmədik. O vaxt müharibəni dayandırmaq gənc dövləti xilas etmək üçün yeganə yol idi. Ağır bir qərar idi. Torpaqlarımızın böyük hissəsi işğal altında idi, bir milyondan çox insan evsiz-eşiksiz qalmışdı. Ancaq müharibə dayanmasaydı, biz daha böyük faciə ilə üz-üzə qala bilərdik. Bu, çox müdrik, amma çətin qərar idi. Bu, bizə imkan verdi ki, Azərbaycan inkişaf yoluna qədəm qoysun. İmkan verdi ki, sabitlik bərpa edilsin, nizami ordu qurulsun, iqtisadi inkişaf üçün ilkin imkanlar yaransın, nizami ordu yaradılsın. Yəni, biz bütün keçmiş tarixə nəzər salarkən, təbii ki, görürük, nə qədər məqsədyönlü, düşünülmüş addımlar atılmışdır. O addımlar ki, bugünkü Azərbaycan reallıqlarını təmin edir.
Əlbəttə, həyat yerində durmur. Son 22 il ərzində dünyada və ölkəmizdə bir çox hadisələr baş vermişdir. Ancaq strateji xətt Ulu Öndər tərəfindən müəyyən edildi və biz o xətdən bir addım kənara atmadıq. Bu gün azad Qarabağda sizin qarşınızda çıxış etmək böyük xoşbəxtlikdir. Bu gün Qarabağ dirçəlir, bərpa edilir. İkinci Qarabağ müharibəsindən keçən dörd il yarım ərzində quruculuq işləri göz qabağındadır. O cümlədən Ağdam şəhərində də bunu görmək mümkündür. Azad edilmiş bütün torpaqlarda geniş quruculuq, bərpa işləri aparılır. İşğal dövründə Ermənistan dövləti məqsədyönlü siyasət apararaq bütün şəhər və kəndlərimizi yerlə-yeksan etmişdir. Buraya və azad olunmuş digər bölgələrə səfər edən xarici qonaqlar öz təəccübünü və bir çox hallarda hiddətini gizlədə bilmirlər. Onlara başa salanda ki, bu dağıntılar müharibə zamanı yox, atəşkəs zamanı törədilmişdir, əlbəttə ki, erməni faşizminin eybəcər sifəti açıq-aydın görünür.
Bizə qarşı soyqırımı törədilmişdir, bizə qarşı urbisid törədilmişdir, ekosid törədilmişdir. Erməni faşizmi bu bölgəni daim işğal altında saxlamaq istəyirdi və əfsuslar olsun ki, onların arxasında duran bəzi xarici dövlətlər onlarla həmrəy idi. Açıq olmasa da, gizli kanallarla onlara verilən mesajlar ondan ibarət idi ki, Azərbaycan cürət edib heç vaxt azadlıq müharibəsinə başlamayacaq, biz sizin arxanızdayıq, biz sizə dəstək olacağıq, sizə silah veririk, mənəvi dəstək veririk, sizin üçün mənəvi dayağıq. Bütün bu amillər Ermənistanı faktiki olaraq öz işğalçılıq siyasətində daha da gücləndirirdi. Ancaq onlar bir şeyi hesablaya bilməmişlər: o da Azərbaycan xalqının iradəsi, milli ruhu, xalqımızın əyilməz ruhu və bu torpağa olan bağlılığımız.
İşğal dövründə - 30 il ərzində biz hər gün bu müqəddəs azadlıq gününü yaxınlaşdırırdıq. Hər birimiz öz iş yerində vahid amal uğrunda birləşərək, azadlıq üçün, azadlıq müharibəsi üçün yorulmadan çalışırdıq. Bütün cəmiyyət bir amal uğrunda birləşəndə o cəmiyyət böyük işlərə qadirdir. Heç bir qüvvə xalq qarşısında dura bilməz. Xalqımızın böyüklüyü məhz bundadır. Biz açıq-aydın başa düşürdük və görürdük ki, hansı qüvvələr Ermənistana dəstək verir, hansı qüvvələr onların arxasındadır, hansı qüvvələrlə biz üz-üzə gələ bilərik və gəlmişik də. Amma bu, bizi çəkindirmədi. Artıq biz “öldü var, döndü yoxdur” şüarı ilə yaşayırdıq və 44 günlük Vətən müharibəsi həm peşəkarlıq, həm qəhrəmanlıq, həm milli ruh salnaməsidir. Bu, bütün dünyaya Azərbaycan xalqının nə qədər böyük xalq olduğunu göstərdi. Onu göstərdi ki, Azərbaycan xalqı mütləq və tam qələbə qazanmaq üçün öz canından keçməyə hazırdır. Qələbəmizi bir çox amillər şərtləndirdi. Biz son dörd il yarım ərzində bu barədə dəfələrlə danışmışıq, fikirlərimizi bölüşmüşük.
Bütün bunlar cəmiyyətdə birmənalı qəbul edilir: siyasi iradə, iqtisadi güc, müstəqil siyasət, güclü Ordu, vətənpərvərlik və gənc nəsil - milli ruhda tərbiyə olunan, bu torpaqları heç vaxt görməyən gənc nəsil. Bu torpaqları heç vaxt görməyənlərin, müharibədə iştirak edənlərin əksəriyyəti işğal dövründə doğulmuş insanlar idi. Onları doğma torpağa çəkən o tarixi bağlar - bütün bu və digər amillər bizim Qələbəmizi şərtləndirdi və biz mütləq və tam Qələbə qazandıq. Nə bizdən qabaqkı onilliklər ərzində, nə bizdən sonrakı dörd il yarım ərzində heç kim mütləq və tam Qələbə qazanmamışdır və elə görünür ki, qazanmayacaq. Bunu mən müqayisə üçün demirəm. Amma dünyada hər şey müqayisə ilə ölçülür. Biz 44 gün ərzində hər gün irəli gedirdik, hər gün itkilər verirdik, şəhidlər verdik. Allah bütün şəhidlərimizə rəhmət eləsin! Hər gün yeni uğurlar əldə edirdik, hər gün hansısa kəndləri azad edirdik. Bu, bizə əlavə ruh verirdi, əlavə güc verirdi. Xalqımız tam birləşdi. Bu, mənə Ali Baş Komandan kimi əlavə mənəvi ruh verirdi. Bu, bizim hamımızın Qələbəsidir. Azərbaycan xalqı bu Qələbəni əldə etməklə öz tarixi böyüklüyünü bütün dünyaya nümayiş etdirdi. Təsadüfi deyil ki, Azərbaycana dünyada olan münasibət, - hətta bizə düşmənçilik edən dairələr, qüvvələr, ölkələr bilirlər ki, biz ləyaqətli xalqıq, hörmətə layiq olan xalqıq və bizimlə hesablaşmaq lazımdır. Ən azı yaşadığımız bölgədə bizimlə bu gün hesablaşmayan sabah peşman olur.
Buraya gələrkən yeddi il əvvəl Quzanlı qəsəbəsində Muğam Mərkəzinin açılışını xatırlayırdım. O vaxt Ağdam şəhəri və rayonun böyük hissəsi işğal altında olduğu üçün biz Quzanlı qəsəbəsini Ağdam rayonunun mərkəzi elan etdik, orada mənim iştirakımla Muğam Mərkəzinin təməli qoyuldu və 2018-ci ilin noyabr ayında açılışı oldu. Mən orada incəsənət xadimləri ilə görüş əsnasında demişdim ki, biz ədalət tələb edirik. Demişdim ki, əgər Ermənistan bizim torpaqlarımızdan öz xoşu ilə çıxmasa, biz istənilən varianta hazırıq. Ermənistan rəhbərliyi buna məhəl qoymadı. Onlara dəstək olan dairələr onlara pis məsləhət verdilər və Azərbaycan xalqı haqqında yanlış təsəvvür yaradılmışdı. İndi onlar peşmandırlar. O gündən iki il sonra Vətən müharibəsi başladı və cəmi 44 gün ərzində biz tarixi Zəfər çaldıq, Ermənistan kapitulyasiya aktına qol çəkməyə məcbur oldu və Qarabağın əsas hissəsi, böyük hissəsi işğaldan azad edildi. Ancaq biz bilirdik ki, bu, tarixi Qələbə olsa da, ölkə suverenliyi hələ tam bərpa edilməyib. Hələ ki, Laçın istiqamətində Azərbaycan-Ermənistan sərhədinə biz nəzarət etmirdik, bəlli olan səbəblərə görə. Əlbəttə ki, biz 2020-ci il noyabrın 10-dan 2023-cü il sentyabrın 20-nə qədər yenə də hər gün, hər saat siyasi, diplomatik, hərbi və digər alətləri işə salaraq bax bu günü - 20 sentyabr gününü yaxınlaşdırırdıq. Nəhayət 2023-cü il sentyabrın 20-də Azərbaycanın dövlət suverenliyi tam bərpa edildi və 30 il ərzində qanunsuz fəaliyyət göstərən dırnaqarası “Dağlıq Qarabağ Respublikası” artıq tarixin zibilxanasına göndərildi.
Bu gün biz azad Qarabağda azad yaşayırıq. Bu gün Ağdam və bütün digər şəhərlərimiz bərpa edilir. Bu gün səhər Ağdam dəmir yolu vağzalının açılışını qeyd etdik. Bakıdan, Gəncədən, digər bölgələrdən Ağdama rahat gəlmək üçün indi gözəl imkanlar var. Eyni zamanda, biz Ağdam-Xankəndi dəmir yolunun bərpası istiqamətində işlərə başlamışıq və yəqin ki, bir il yarım, maksimum iki il ərzində Xankəndi şəhərində vağzal kompleksi tikiləcək. Bildiyiniz kimi, artıq Xankəndidə Qarabağ Universiteti fəaliyyət göstərir, 8 mindən çox insan yaşayır və eyni zamanda, Xankəndidən, həmin o vağzal kompleksindən Şuşaya gedən yol qısalır. O yolu da biz qısaldırıq. Həm genişləndiririk, həm qısaldırıq ki, maksimum 10 dəqiqə ərzində Xankəndidən Şuşaya gəlmək mümkün olsun. Bir fikrimiz də var. Onu ilk dəfə mən ictimaiyyətlə bölüşürəm. Biz Şuşanı Xankəndi ilə birləşdirən “Kanat yolu” layihəsi üzərində işləyirik. Onu da bildirməliyəm ki, Laçın şəhərində kanat yolunun tikintisinə yəqin ki, bu il başlanılacaq. Kəlbəcərdə də belə layihə var. Yəni ki, bu, həm turizm baxımından, həm insanların rahat gediş-gəlişi üçün çox gözəl bir vasitə olacaq.
Ağdam-Bərdə avtomobil yolu. İndi Bakıdan gələn qonaqlar o yolla gəliblər. Möhtəşəm bir yoldur. Sovet vaxtında belə yol olmamışdır. Ağdam-Xankəndi-Şuşa yolu, dəmir yolu, infrastruktur layihələri, tarixi abidələrimizin bərpası - birinci bərpa edilmiş bina Ağdam Cümə məscidi idi. İndi Qiyaslı məscidində bərpa işləri aparılır. Yaşayış kompleksləri inşa edilir, iki mehmanxana inşa edilib. İmarət kompleksi bərpa edilib, Xaçınçay su anbarı əkin sahələrini, torpaqları suvarma suyu ilə təmin etmək üçün fəaliyyətə başlayır və bir çox başqa layihələr icra edilir. Bunlar təkcə Ağdam rayonuna aiddir. Əgər bütün görülən işlərin miqyasını götürsək, sözün düzü, mən bilmirəm hansı ölkədə hazırda bu miqyasda quruculuq, inkişaf işləri aparılır. Yəni bu, yenə də xalqımızın zəhməti hesabına qazanılan nailiyyətdir. Bütün bunları biz öz hesabımıza edirik və bütün işləri də özümüz planlaşdırırıq. Bütün insanlar həvəslə, zövqlə işləyirlər. Belə gözəl mədəniyyət ocaqları yaradırıq və bu gün burada məndən sonra çıxış edəcək bizim tanınmış ifaçılar öz məharətlərini göstərəcəklər. İstərdim ki, artıq bu gözəl salonda müntəzəm olaraq gözəl muğam bayramları, o cümlədən muğam müsabiqələrinin tədbirləri keçirilsin. Əminəm ki, belə də olacaq.
Mən sizin hamınızı ürəkdən təbrik edirəm, həm bu möhtəşəm Muğam Mərkəzinin açılışı, həm də bizim bütün uğurlarımız, əldə etdiyimiz bütün nailiyyətlər və gələcək nailiyyətlər münasibətilə. Biz müzəffər xalqıq, qalib xalqıq. Öz torpağımızda yaşayırıq. Bir daha sübut etdik ki, bu torpaqların sahibi bizik, çünki biz dağıdan yox, qurub-yaradanıq və bundan sonra da bu torpaqlarda əbədi yaşayacağıq.
Yaşasın Ağdam, yaşasın Azərbaycan!
x x x
Daha sonra Prezident İlham Əliyev və birinci xanım Mehriban Əliyeva Ağdam Muğam Mərkəzinin açılışına həsr olunan konsert proqramına baxıblar.
X X X
Konsertdən sonra dövlətimizin başçısı və birinci xanım incəsənət ustaları və müharibə veteranları ilə söhbət etdilər.
Xalq artisti Bəyimxanım Cavanşirova-Verdiyeva: Bu gün Azərbaycan muğamının təntənəsidir. Bu gün ən gözəl gündür. Doğma Qarabağımızda Ulu Öndərimizin ruhu şaddır. Xatirinizdədirsə, həmişə o, öz çıxışlarında deyərdi ki, biz Qarabağa qayıdacağıq. Bu gün həmin gündür. Ruhu şad olsun. Çox-çox təşəkkür edirik, minnətdarıq Sizə. Var olun hamınız. Sağ olun.
Prezident İlham Əliyev: Sağ olun.
Bəyimxanım Cavanşirova-Verdiyeva: Allah Sizi var eləsin.
Prezident İlham Əliyev: Sizi bir daha təbrik edirəm, həmişə toy-bayram olsun Qarabağda, Azərbaycanın hər bir guşəsində.
Bəyimxanım Cavanşirova-Verdiyeva: Amin. Xalqa ruh verən Sizsiniz. Allah Sizi var eləsin.
Prezident İlham Əliyev: Qəhrəmanlarımız da bizimlə bərabərdirlər. Onları alqışlayaq.
Birinci Qarabağ müharibəsi qazisi Rey Kərimoğlu: Cənab Prezident, Siz bu millətə sahib çıxdınız. Mən özüm Birinci Qarabağ müharibəsinin qazisiyəm. Amma yiyəmiz olmadı o vaxt. Siz millətə sahib çıxdınız. Sizinlə fəxr edirik. Allah Sizi qorusun. Allah Sizi var eləsin.
Xalq artisti Ramiz Quliyev: Möhtərəm cənab Prezident, əzizimiz, çox gözəl xanım, canımız, ciyərimiz. Siz bizə gözəl bir gün bəxş etdiniz. Cənab Prezident, gözəl bir gündür. Ulu Öndərin 102-ci ildönümü günüdür, ruhu şad olsun. Yüz illər ötsə də Ulu Öndərin xatirəsi yaşayacaq. Necə ki, Qarabağı bu cür düzəltdiniz, yüz illər gəlib gedəcək, dünyanın bütün ölkələri Sizdən nümunə götürəcək, bu gün də götürür. Muğam da var, xalqımız da var, Siz də varsınız. Sizi bağrıma basıram. Çox sağ olun, var olun.
Prezident İlham Əliyev: Sağ olun.
Qazi Qəhrəman Hüseynov: Cənab Prezident, ömrümün bu çağında Allaha yalvarmışam ki, Sizinlə görüşə bilim. Bir dəqiqə Sizinlə görüşərdim.
Prezident İlham Əliyev: Gəl, gəl görüşək.
Qazi Qəhrəman Hüseynov: Şükür İlahi. Mehriban xanım, xoş gördük. Gecələr Allaha yalvarırdım, ay Allah, Prezidentimlə görüşüm.
Prezident İlham Əliyev: Çox sağ olun.
Sevinc Alızadə: Cənab Prezident, Sizə təşəkkür etmək istəyirəm. Mən şəhid polkovnik-leytenant Raquf Orucovun həyat yoldaşıyam, həm də “Zəfər” təşkilatının sədriyəm.
Prezident İlham Əliyev: Tanıyıram. Allah rəhmət eləsin.
Sevinc Alızadə: Mehriban xanım həmişə bizə dəstək olub.
Bütün xəbərlər Facebook səhifəmizdə
Digər xəbərlər

Xəbər lenti
Top 10 ən yaxşı ailə avtomobilləri
Texnologiya 01:08Orta yaşda arıqlamaq ömrü uzada bilər...
Səhiyyə 00:56Gəncliyi uzadan altı məhsulun adı açıqlanıb...
Səhiyyə 00:45Borodin Alla Puqaçovaya müraciət edib...
Şou-Biznes 1 İyun 23:53Yer hər 44 dəqiqədən bir sirli siqnal alır...
Maraqlı 1 İyun 23:44Bir dənə soğana görə, o boyda şirkəti məhkəməyə verib..?
Maraqlı 1 İyun 23:36Qiymətli metalların Yerin bağırsaqlarında necə yarandığı aşkar edilib...
Dünya 1 İyun 23:25Həkim çörəyi necə düzgün saxlamaq lazım olduğunu söyləyir..?
Səhiyyə 1 İyun 23:14Çikungunya qızdırmasına yoluxma riski olan ölkələr...
Dünya 1 İyun 23:05Azərbaycan cüdoçuları Avropa Kubokunu 4 medalla başa vurublar
İdman 1 İyun 23:00Hökumət miqrantları bilik testindən azad etmək üçün qanun hazırlayıb..?
Dünya 1 İyun 22:54Yarasa populyasiyasına zərər vuran göbələklərin mənşəyi araşdırılır...
Maraqlı 1 İyun 22:43Müstəqillik Günü Mexikoda təntənə ilə qeyd olunub
Sosial 1 İyun 22:41Dünyanın ən böyük vulkanın püskürməsi bəşəriyyəti təhdid edir...
Dünya 1 İyun 22:36Çin 4000 illik enerji tutumlu geotermal yatağı kəşf edib...
Dünya 1 İyun 22:2430 yaşlı aktrisa 22 yaşlı futbolçudan evlilik təklifini qəbul edib...
Şou-Biznes 1 İyun 22:15Azərbaycan güləşçiləri Dünya Seriyasında iki medal qazanıblar
İdman 1 İyun 22:11Britaniyalı nazir Fransa polisini sərt tənqid edib
Dünya 1 İyun 22:07Yunanıstan turizm sənayesində kəskin kadr çatışmazlığı ilə üzləşir...
Dünya 1 İyun 22:04Uzun ayrılıqdan sonra Kristina Orbakaite atasının yanına gedib...
Şou-Biznes 1 İyun 21:55Yaponiya rekord internet sürətinə nail olub...
Texnologiya 1 İyun 21:43Bu qitədə qədim dağlar necə yaranıb?
Maraqlı 1 İyun 21:36Naxçıvanda ilk dəfə voleybol festivalı keçirilib
Sosial 1 İyun 21:31Fiziklər alqışların sirrini həll etdilər..?
Maraqlı 1 İyun 21:25Rusiyada “ikinci çörəyin” qiyməti niyə qalxıb..?
Dünya 1 İyun 21:13Azərbaycan minifutbol millisi dünya çempionatının qalibi olub
İdman 1 İyun 21:10"Çəkməli Pişik" Beyləqan, Saatlı və İmişlidə nümayiş olunub
Mədəniyyət 1 İyun 21:09Nə qalıb ki, deyirsiniz,..indidən halallaşaq?
Dünya 1 İyun 21:04Füzulidə uşaqlar üçün “Qarabağım mənim” adlı festival keçirilib
Mədəniyyət 1 İyun 21:01Vladivostokdakı həkimlər çinlilərə 13 körpə satıblar və...
Dünya 1 İyun 20:55Rus kişiləri “cəsarətli olmaq” üçün türk seriallarına baxsınlar..?
Dünya 1 İyun 20:43Bakı Zooloji Parkında “Gələcək uşaqlara məxsusdur” adlı şənlik keçirilib
Sosial 1 İyun 20:40Çin pişik dilindən insan dilinə tərcüməçi hazırlayır...
Maraqlı 1 İyun 20:34Mütəxəssislər Samsung-dan ən yaxşı büdcə smartfonlarını seçiblər...
Texnologiya 1 İyun 20:25Din xadimlərindən ibarət nümayəndə heyəti Zəfər parkını ziyarət edib
Sosial 1 İyun 20:15Kiyev Rusiya aerodromlarına hücumla bağlı Trampı xəbərdar edib..?
Dünya 1 İyun 20:04Formula 1 İspaniya Qran Prisinin qalibi müəyyənləşdi
İdman 1 İyun 19:54Heydər Əliyev Mərkəzinin parkında Uşaq festivalı keçirilib
Sosial 1 İyun 19:49Trampın Si Cinpin ilə söhbəti baş tuta bilər...
Dünya 1 İyun 19:45Nazir danışıqlardan asılı olmayaraq Qəzzaya hücum əmri verib
Dünya 1 İyun 19:36Dronları olan yük maşınlarından biri hücum yerinə çatmayıb və partlayıb
Dünya 1 İyun 19:25Qaxda piyadanı maşın vurub
Hadisə 1 İyun 19:22Zədələnmiş tras yerində partlayıcı qurğular tapılıb...
Dünya 1 İyun 19:15Balakəndə avtomobillər toqquşub, iki nəfər xəsarət alıb
Hadisə 1 İyun 19:10Simonyan deyir ki, Rusiyadakı çətin vəziyyət olmasaydı...
Dünya 1 İyun 19:05Ankarada Üzeyir Hacıbəylinin 140 illiyi münasibətilə konsert keçirilib
Mədəniyyət 1 İyun 19:01Qubernator hücumundan sonra heç bir zərərin olmadığını deyir..?
Dünya 1 İyun 18:54“Kiyev buna görə cavab verməli olacaq..?”
Dünya 1 İyun 18:43Qazaxda minik maşını aşıb, xəsarət alan var
Hadisə 1 İyun 18:41Murmansk vilayətində neft məhsulları daşıyan gəmi batıb
Dünya 1 İyun 18:34Dronları daşla vurmaq üçün bir sıra cəhdlər olub...
Dünya 1 İyun 18:25Danışıqların ikinci raundunda Ukraynanın mövqeyi açıqlanıb
Dünya 1 İyun 18:16Küləkli hava şəraiti ilə bağlı sarı və narıncı xəbərdarlıq verilib
Sosial 1 İyun 18:12Leysan olacaq, dolu düşəcək, çaylardan sel və daşqın keçəcək...
Sosial 1 İyun 18:09Ukrayna PUA-larının Sibirə ilk kütləvi hücumunun səbəbi açıqlanıb...
Dünya 1 İyun 18:06NBA-da ikinci finalçı müəyyənləşib
İdman 1 İyun 17:54İranda qum fırtınası dəhşətli qəzaya səbəb oldu
Dünya 1 İyun 17:19Sabah hava meteohəssas insanlar üçün əlverişli olacaq
Sosial 1 İyun 17:13Naxçıvanda şəhid ailələrinə bayram sovqatları təqdim edilib - FOTO
Sosial 1 İyun 17:12Azərbaycan və Türkiyənin qadın vəkilləri futbolda qüvvələrini sınayıblar
İdman 1 İyun 16:21Bakıda mühüm və mənalı uşaq rəsim sərgisi keçirildi
Sosial 1 İyun 15:52Türkiyənin Bingöl vilayətində bir həftə ərzində ikinci zəlzələ qeydə alınıb
Dünya 1 İyun 15:27Danla Biliçi döyən sevgilisi azadlıqda
Şou-Biznes 1 İyun 15:07ABŞ-də atışma nəticəsində 2 nəfər ölüb, 1 nəfər yaralanıb
Dünya 1 İyun 15:04Bugünki imtahanın cavablarını buradan yoxlaya bilərsiz
Təhsil 1 İyun 14:59Növbəti fləşmob məşhur mahnıya həsr olunub
Sosial 1 İyun 14:40PSJ Çempionlar Liqasında rekord sayda gəlir əldə edib
İdman 1 İyun 14:39DYP uşaqları təbrik edir və təhlükəsizliyə çağırır
Sosial 1 İyun 13:47"Milan” Uokerlə bağlı qərar verdi
İdman 1 İyun 13:42"Çilek”in toyu oldu - FOTO
Şou-Biznes 1 İyun 13:17Putin Paşinyanla telefonla danışdı
Dünya 1 İyun 13:15Şuşada beynəlxalq uşaq yaradıcılıq festivalı keçirilib - FOTO
Mədəniyyət 1 İyun 12:57Müdafiə Nazirliyi həftəlik icmalı təqdim edib
Siyasət 1 İyun 12:40Bakıda stolüstü tennis üzrə Azərbaycan birinciliyinə yekun vurulub
İdman 1 İyun 12:21Sabaha olan hava proqnozu AÇIQLANDI
Sosial 1 İyun 12:19Uşaqlar cəzaçəkmə müəssisəsindəki anaları ilə görüşüblər - FOTOLAR
Sosial 1 İyun 12:13Uşaq müəssisələrində mütəmadi olaraq monitorinqlər aparılır - Dövlət Komitəsi
Sosial 1 İyun 11:38Naxçıvanda məhkum valideynlərlə övladlarının görüşü təşkil olunub - FOTOLAR
Sosial 1 İyun 11:30Ombudsmanın təşəbbüsü ilə uşaqların hüquq və azadlıqları barədə videoçarx hazırlanıb
Siyasət 1 İyun 11:21DİM müxtəlif nəşrləri şəhid övladlarına hədiyyə edib
Təhsil 1 İyun 11:11Naxçıvanda “Uşaqların rəngli dünyası” festivalı keçirilir - FOTOLAR
Sosial 1 İyun 11:07Ukrayna ordusu yanacaq daşıyan qatarı partlatdı
Dünya 1 İyun 10:44Ucarda transformator yanğını söndürülüb - YENİLƏNİB
Hadisə 1 İyun 10:30Parisdə 300-ə yaxın azarkeş həbs edildi
Dünya 1 İyun 10:22DİQQƏT! Bu ərazilərdə qaz olmayacaq
İqtisadiyyat 1 İyun 10:08Azərbaycan millisi Qızıl Avropa Liqasında növbəti oyununa çıxacaq
İdman 1 İyun 09:42Rusiyada partlayışda 7 nəfər öldü, 70-ə yaxın yaralı var - YENİLƏNDİ
Dünya 1 İyun 09:06Bakıda FİNAL HƏYƏCANI - millimiz dünya çempionu ola bilər
İdman 1 İyun 09:04Mehriban Əliyeva Uşaqların Beynəlxalq Müdafiəsi Günü münasibətilə paylaşım edib
Siyasət 1 İyun 09:02Özəl xəbərlər
Digər xəbərlər"Beynəlxalq tədbirlərin sayının artması ölkənin tanıdılması üçün əhəmiyyət daşıyır" - EKSPERT RƏYİ
İqtisadiyyat 30 May 18:02"Təhlükəsizliyi artırmaq üçün istifadəçi rahatlığını qurban verməlidir" - EKSPERT FİKRİ
İqtisadiyyat 30 May 16:26
Redaktorun seçimi
Köşə yazıları
Populyar
Valyuta məzənnəsi
-
USD 1,7000
0,00%
-
EUR 1,9286
0,00%
-
GBP 2,2896
0,00%
-
RUB 2,2033
0,00%

2008-2025. Səs İnformasiya Agentliyi, Bütün hüquqlar qorunur. Məlumatlardan istifadə etdikdə istinad mütləqdir.
İfadə olunan fikirlərə sayt məsuliyyət daşımır.
Ünvan: Ü. Hacıbəyov küçəsi, 66; Bakı, Azərbaycan.
Email: [email protected] Tel.: (+994 12) 598-33-90; Faks: (+994 12) 493-11-62;