Mayın 7-də Azərbaycan Respublikasının Prezidenti İlham Əliyev və Vyetnam Sosialist Respublikası Kommunist Partiyasının Mərkəzi Komitəsinin Baş katibi To Lam mətbuata bəyanatlarla çıxış ediblər.
SİA AZƏRTAC-a istinadən xəbər verir ki, əvvəlcə dövlətimizin başçısı bəyanatla çıxış etdi.
-Hörmətli cənab Baş katib.
Hörmətli qonaqlar, xanımlar və cənablar.
Hörmətli cənab Baş katib, Sizi Azərbaycanda bir daha salamlayıram. Ölkəmizə xoş gəlmisiniz. Sizin səfəriniz Vyetnam-Azərbaycan əlaqələrinin inkişafı üçün mühüm əhəmiyyət daşıyır. Əminəm ki, səfərin nəticələri uğurlu olacaq və əldə edilmiş razılaşmalar konkret layihələrə çevriləcək. Bu gün imzalanmış sənədlər arasında Azərbaycan ilə Vyetnam arasında qəbul edilmiş Strateji Tərəfdaşlıq haqqında Birgə Bəyanatı xüsusilə qeyd etmək istərdim. Bu, çox ciddi siyasi sənəddir. Bu, əslində, Vyetnam-Azərbaycan əlaqələrini daha yüksək pilləyə qaldıran bir sənəddir. Əminəm ki, artıq bu yüksəksəviyyəli münasibətlər gələcək ikitərəfli əməkdaşlıq üçün də ən vacib rol oynayacaqdır. Gördüyünüz kimi, bu gün imzalanmış sənədlər arasında bir çox istiqamətlər üzrə sənədlər var. Bu gün apardığımız danışıqlar və əldə edilmiş razılaşmalar deməyə əsas verir ki, biz qarşılıqlı əməkdaşlıq istiqaməti üzrə çox ciddi addım atmışıq. Vyetnam Kommunist Partiyasının Baş katibinin Azərbaycana dövlət səfəri çərçivəsində bu sənədlərin imzalanması, əlbəttə ki, onların əhəmiyyətini daha da artırır.
Bizim birgə səylərimiz nəticəsində ticarət, iqtisadiyyat, mədəniyyət, təhsil, energetika, nəqliyyat və digər istiqamətlər üzrə çox ciddi əməkdaşlıq potensialı var. Bu gün bu və digər istiqamətlər üzrə məsələlər geniş müzakirə edildi. Energetika sahəsində imzalanmış sənədlər və apardığımız müzakirələr deməyə əsas verir ki, biz yaxın gələcəkdə bu sahədə əməkdaşlığımızı daha da genişləndirəcəyik. Bu gün bu əməkdaşlıq var və daha çox ticarət əməkdaşlığı formasında aparılır. Ancaq qarşılıqlı sərmayə qoyuluşu məsələləri də müzakirə edildi. Həm Vyetnam şirkətlərinin Azərbaycana, həm də Azərbaycanın neft şirkətinin Vyetnama sərmayə qoyuluşu məsələləri müzakirə olundu və göstəriş verildi ki, aidiyyəti qurumlar bu məsələlərlə bağlı konkret addımlar atsınlar.
Hökumətlərarası Komissiyanın iclasının tezliklə keçirilməsi bu və digər istiqamətlər üzrə mümkün əməkdaşlığı daha da sürətləndirəcək. Komissiya iclası uzun illərdir ki, keçirilmir və əldə edilmiş razılaşma əsasında tezliklə Komissiyanın iclasının keçirilməsi məsələsi öz həllini tapıbdır.
Əfsuslar olsun ki, iqtisadi-ticari istiqamət üzrə ticarət dövriyyəsinin dinamikası Azərbaycanın Vyetnama neft satışından asılıdır. Neft satışı yüksək səviyyədə olanda ticarət dövriyyəsi artır, azalanda azalır. Əlbəttə, biz ticarət dövriyyəmizi daha da balanslaşdırılmış formada görmək istərdik və bunun üçün, təbii ki, qarşılıqlı informasiya mübadiləsi lazımdır. Hansı layihələr ölkələrimizdə həyata keçirilir, investisiya imkanları nədən ibarətdir, qaydalar, qanunvericilik bazası, vergi inzibatçılığı - bütün bu məsələlər biznes dairələri üçün gərək aydın olsun. Belə olan halda əminəm ki, ticarət dövriyyəsi təkcə neft amilindən asılı olmayacaq.
Biz bu gün, eyni zamanda, bərpaolunan enerji növlərinin istehsalı ilə bağlı fikir mübadiləsi apardıq. Mən hörmətli qonağımıza bildirdim ki, Azərbaycanın bu sahədə çox böyük imkanları, potensialı var. İmzalanmış kontraktlar 5 il bundan sonra bizə 6500 meqavat gücündə yeni enerji, təmiz enerji güclərini qazandıracaq və Vyetnam şirkətlərini investisiya qoymağa dəvət etdik. Eyni zamanda, Azərbaycan tərəfinin Vyetnamda bərpaolunan enerji növlərinə sərmayə qoymağa hazır olduğunu bildirdim.
Müdafiə sənayesi sahəsində çox böyük perspektivlər var. Hər iki ölkədə sənayenin bu istiqaməti kifayət qədər inkişaf edib. Burada da səylərin birləşdirilməsi, birgə müəssisələrin yaradılması və qarşılıqlı əməkdaşlıq fayda gətirə bilər.
Bizim beynəlxalq təşkilatlardakı birgə fəaliyyətimiz də çox ürəkaçandır. Vyetnam bir neçə il bundan əvvəl Azərbaycanı BMT Təhlükəsizlik Şurasında çox ciddi dəstəkləmişdir və buna görə biz minnətdarıq. Eyni zamanda, biz Qoşulmama Hərəkatı çərçivəsində birgə fəaliyyət göstəririk. Azərbaycan bu təsisata 4 il sədrlik etmişdir və çox gözəl bir iz buraxmışdır. Bu gün Qoşulmama Hərəkatının daha da sanballı təsisat kimi fəaliyyəti hər iki ölkənin marağındadır.
Biz bu gün, eyni zamanda, beynəlxalq hüququn aliliyi haqqında fikir mübadiləsi apardıq və burada da heç bir fikir ayrılığı yoxdur. Bütün məsələlər ölkələrin ərazi bütövlüyü, suverenliyi, sərhədlərin toxunulmazlığı əsasında - beynəlxalq hüquq çərçivəsində öz həllini tapmalıdır. Bütün mübahisəli məsələlər danışıqlar yolu ilə, sülh yolu ilə həll olunmalıdır.
Yəni bu gün bir çox istiqamətlər üzrə apardığımız müzakirələr əsnasında görürük ki, fikir ayrılığı yoxdur. Əksinə, biz demək olar ki, vahid mövqedən çıxış edirik. Baxışlarımızda da bir çox oxşarlıq var. Baxmayaraq ki, aramızdakı məsafə kifayət qədər uzundur, bizi birləşdirən nəqliyyat infrastruktur layihələri haqqında da bu gün danışdıq. Biz həm Şimal-Cənub, həm Şərq-Qərb nəqliyyat dəhlizləri vasitəsilə qarşılıqlı ticarəti stimullaşdıra bilərik. Bir sözlə, əminəm ki, səfərin çox gözəl nəticələri olacaq. Bizim hörmətli qonağımız ilk dəfədir ki, Azərbaycanda səfərdədir. Səfər vaxt baxımından qısa olsa da, məzmun nöqteyi-nəzərindən kifayət qədər zəngindir. Bu gün bizim işimiz davam etdiriləcək. Sabah da hörmətli Baş katibin səfəri davam edəcək. Əminəm ki, öz vətəninə Azərbaycandan ən xoş təəssüratlarla qayıdacaq.
Bir daha xoş gəlmisiniz, hörmətli cənab Baş katib. Sizə və bütün vyetnamlı yoldaşlarımıza yeni uğurlar, cansağlığı, xoşbəxtlik arzulayıram.
x x x
Sonra Vyetnam Kommunist Partiyasının Mərkəzi Komitəsinin Baş katibi bəyanatla çıxış etdi.
-Hörmətli cənab Prezident.
Hörmətli xanımlar və cənablar.
Əvvəlcə mən azərbaycanlı dostların səmimi qəbuluna görə cənab Prezidentə dərin təşəkkürümü bildirmək istəyirəm. Cənab Prezident, Vyetnamın ünvanına söylədiyiniz xoş sözlərə və iki ölkə arasındakı münasibətləri belə yüksək dəyərləndirdiyinizə görə Sizə minnətdarlığımı bildirirəm.
Hazırkı səfərim diplomatik münasibətlər qurulduqdan sonra Vyetnam Kommunist Partiyasının Baş katibinin Azərbaycana ilk səfəridir. Bu, Azərbaycanla bütün sahələrdə əməkdaşlığın bundan sonra da inkişaf etdirilməsində Vyetnamın qətiyyətli olduğunu nümayiş etdirir. Bütün bunlar, öz növbəsində, ölkələrimiz arasında ənənəvi dostluğa və əməkdaşlıq potensialına cavab verir. Biz etimad, dostluq və səmimiyyət şəraitində cənab Prezidentlə uğurlu danışıqlar apardıq və yaxın zamanlarda iki ölkə arasında əlaqələrin strateji istiqamətlər üzrə inkişaf etdirilməsi barədə razılığa gəldik. Şadıq ki, ölkələrimizin münasibətləri Prezident Ho Şi Minin Azərbaycana 1959-cu ildə səfəri ilə başladı.
Onun səfərindən sonra müxtəlif təmaslar və səfərlər olmuşdur. Ölkələrimiz arasında əlaqələr dövlət rəhbərləri və xalqlarımız tərəfindən daim gücləndirilmişdir. Biz siyasi, diplomatik, energetika, müdafiə, ticarət və digər sahələrdə yaxşı nəticələr əldə etmişik. Bu əsasla biz strateji tərəfdaşlığın qurulması haqqında Birgə Bəyanatı artıq qəbul etdik. Bu isə ölkələrimizin münasibətlərinin tarixində yeni dövr, yeni səhifə açır. Əminəm ki, biz yaxın zamanlarda ikitərəfli münasibətlərimizi dərinləşdirə və genişləndirə biləcəyik, inkişaf naminə üstün cəhətlərimizdən faydalanacağıq.
Birgə Bəyanatda əks olunan müddəaları icra etmək üçün beş məsələni təklif edirəm. Cənab Prezidentin də indicə qeyd etdiyi kimi, birinci məsələ partiya, dövlət, parlament və rayonlar kimi bütün səviyyələrdə əlaqələri və təmasları fəallaşdırmaqdır. İstərdim ki, Vyetnam Kommunist Partiyası ilə Yeni Azərbaycan Partiyası arasında əlaqələr fəal olsun, imzalanmış razılaşmalar icra edilsin, mövcud əməkdaşlıq mexanizmlərinin səmərəliliyi artırılsın və yeni mexanizmlərin yaradılması imkanları araşdırılsın. Mən Prezident Əliyevi yaxın zamanlarda Vyetnama səfərə dəvət edirəm. O, artıq dəvətimi qəbul edib.
İkincisi, hökumətlərarası komissiya vasitəsilə ticari-iqtisadi əməkdaşlığı fəallaşdırmaq. Əmtəə dövriyyəsi və sərmayələri artırmaq, iki ölkənin işgüzar dairələrini bir araya gətirmək, energetika, neft və qazla yanaşı, bütün sahələrdə əməkdaşlıq etmək, dəmir yolları, dəniz yolları, kənd təsərrüfatı sahələrində digər əməkdaşlıq imkanlarını araşdırmaq vacibdir.
Biz hökumətlərarası komissiyanın növbəti iclasının tezliklə baş tutması məsələsini nəzərdən keçirəcəyik. Həmin komissiyanın gələcək iclasının nəticələrini səbirsizliklə gözləyirik, çünki o, artıq strateji tərəfdaşlıq əsasında həyata keçiriləcək.
Üçüncüsü, biz müdafiə və təhlükəsizlik sahələrində əlaqələri fəallaşdırmalıyıq, informasiya təhlükəsizliyi, transmilli cinayətkarlıq və kibercinayətkarlıqla mübarizə sahələrində münasibətlərimizi inkişaf etdirməliyik.
Dördüncüsü, mədəniyyət, idman və turizm, təhsil, xalqlararası təmaslar və regionlar sahələrində əməkdaşlığı genişləndirməliyik. Biz məşqlər, idman yarışlarının təşkili sahəsində təcrübə mübadiləsi barədə razılığa gəldik, eləcə də turizmi təşviq edəcəyik, tələbələri sizin güclü olduğunuz ixtisaslara yiyələnmək üçün göndərəcəyik. Xalqlararası təmaslara gəldikdə, istərdim ki, Dostluq Cəmiyyəti yaradılsın.
Beşincisi, qarşılıqlı maraq doğuran məsələlər barədə fikir mübadiləsi aparmalıyıq və BMT, Qoşulmama Hərəkatı, Asiyada Qarşılıqlı Fəaliyyət və Etimad Tədbirləri Toplantısı kimi təşkilatlarda bir-birimizi dəstəkləməliyik.
Biz, həmçinin sülhsevər yanaşmanı dəstəklədiyimizi qeyd etdik. Biz mübahisələrin dinc yolla həllini, beynəlxalq hüquqa, o cümlədən BMT-nin 1982-ci il tarixli Dəniz Hüququ Konvensiyasına uyğun olaraq, gücdən istifadə etməmək və onun istifadəsi ilə hədələməmək kimi prinsiplərin vacibliyini bildirdik. Əminəm ki, iki ölkə rəhbərlərinin qətiyyəti ilə ikitərəfli münasibətlərimiz bundan sonra da xalqlarımızın rifahı, eləcə də regionda və dünyada sülh, sabitlik və əməkdaşlıq naminə inkişaf edəcək.
Bütün xəbərlər Facebook səhifəmizdə
Digər xəbərlər

Xəbər lenti
Tramp onları əfv etdi
Dünya 08:06Maqnit qasırğası ilə bağlı daha bir XƏBƏRDARLIQ
Dünya 07:31Bu gün 33 dərəcə isti olacaq
Sosial 07:2771 yaşlı müğənni faciəvi şəkildə öldü
Şou-Biznes 06:14Dieqo Maradonanın ölüm işi yenidən açılacaq
İdman 05:24Sakit okeanda iki zəlzələ baş verdi
Dünya 04:47Di Mariya doğma klubuna qayıtdı
İdman 03:27Husilər israilin hava limanı yenə vurdular
Dünya 02:58Ceki Çan qara kəmər aldı
Dünya 02:30Kürdəmirdə fərdi yaşayış evi yanaraq külə dönüb
Hadisə 01:46"Qəbələ" 5 futbolçu ilə yollarını ayırdı
İdman 01:43Rusiya hökuməti əhalinin cibinə girə bilər...
Dünya 00:25Tramp üçün dərs..?
Dünya 00:16Kremlin əsas məqsədləri üzə çıxır...
Dünya 00:04Xərçəngin müalicəsini çətinləşdirən gözlənilməz amil müəyyən edilib
Səhiyyə 29 May 23:54Çinin "Tiandu-1" peyki Yer-Ay rezonans orbitinə buraxılıb...
Dünya 29 May 23:45BMW ABŞ tariflərinə görə gündə 11 milyon dollar itirir..?
Dünya 29 May 23:36Yeyib çimməyin...
Səhiyyə 29 May 23:251960-cı ilin nadir QAZ-21 “Volga”sı satılır...
Maraqlı 29 May 23:13Sankt-Peterburqlu musiqiçi 60 saat fasiləsiz olaraq pianoda ifa edib
Maraqlı 29 May 23:04Ryazan yaxınlığında Oka çayının sahilində mamont dişi tapılıb
Maraqlı 29 May 22:5580-ci illərin sərfəli Skoda modeli dəbli müasir davamçı alır...
Texnologiya 29 May 22:43Səfir: Çin və Azərbaycan yaxşı dost və tərəfdaşlardır
Siyasət 29 May 22:39Pişiklər yad insanları niyə bu qədər diqqətlə iyləyirlər..?
Maraqlı 29 May 22:36İT mütəxəssisləri daha çox Sankt-Peterburqa can atırlar...
Dünya 29 May 22:24Səsvermənin ilk günü rekord sayda seçici səs verib...
Dünya 29 May 22:20Yeni Land Rover Defender təqdim olundu…
Texnologiya 29 May 22:13Keto pəhrizinin və aralıq acqalmanın təhlükəsi nədir?
Səhiyyə 29 May 22:05Emosiyalar üz dərisinə necə təsir edir..?
Maraqlı 29 May 21:54Ən sağlam çörəyin adı açıqlanıb...
Maraqlı 29 May 21:45Minifutbol millimiz İngiltərəyə qalib gələrək yarımfinala yüksəlib
İdman 29 May 21:38Doğrudanmı, Türkiyə turizmi fəlakətlə üz-üzədir..?
Turizm 29 May 21:36Sankt-Peterburqda miqrantlar bu iki sahədə də işləməyəcəklər..?
Dünya 29 May 21:24Bu iyrənc hücum təkcə müsəlmanların müqəddəs məkanına deyil, həm də...
Dünya 29 May 21:14Azərbaycan-ABŞ əlaqələrinin vəziyyət və perspektivləri müzakirə olunub
Siyasət 29 May 21:12Almaniya miqrasiya siyasətini sərtləşdirir..?
Dünya 29 May 21:05Naxçıvanda növbəti “SUVAR!” aksiyası keçirilib
Sosial 29 May 20:59Arvad ərə görə məsuliyyət daşıyırmı, ruslar “hə” deyir..?
Şou-Biznes 29 May 20:54Tütün dodaq xərçənginə necə səbəb olur...
Səhiyyə 29 May 20:43Otel otaqlarında ən təmiz yer adlandırılıb...
Maraqlı 29 May 20:36Slovakiyada ovlanmış ayı ətinin satışına icazə veriləcək...
Dünya 29 May 20:25David Linçin 400-dən çox şəxsi əşyası hərraca çıxarılıb...
Dünya 29 May 20:14Cinayətkar ermənilərin məhkəməsi davam etdirilib-2
Siyasət 29 May 20:13BDU-da Everesti fəth edən alpinist Vəfa Musayeva ilə görüş olub
Təhsil 29 May 20:11Laçın Hava limanı istənilən tip hava gəmisini qəbul edəcək
Sosial 29 May 20:08Krımda 1917-ci ilə aid xəzinə tapılıb...
Dünya 29 May 20:05İsrail Qəzzada atəşkəslə razılaşıb...
Dünya 29 May 19:54Uşaqların immunlaşdırılmasında yeni mərhələyə başlanılıb
Sosial 29 May 19:51Rusiya vilayətində kartof torbasında üç insan kəlləsi tapılıb...
Dünya 29 May 19:44Qayıdış mexanizmləri barədə müzakirələr aparılıb... - FOTOLAR
İqtisadiyyat 29 May 19:37Tramp Rusiyaya qarşı sanksiyalar tətbiq etməyə məcbur edilə bilər
Dünya 29 May 19:34Şərqi Avropanın ən zəngin adamı tapılıb...
Dünya 29 May 19:24Rusiya Serbiyanı Ukraynaya gizli sursat verməkdə ittiham edir...
Dünya 29 May 19:15NDU-nin Tibb fakültəsinin 25 illik yubileyi qeyd olunub
Təhsil 29 May 19:11The Guardian: "ABŞ gəncləri Trampı məhkəməyə verir..."
Dünya 29 May 19:06AQTA sədri qida sahəsində fəaliyyət göstərən sahibkarlarla görüşəcək
İqtisadiyyat 29 May 19:00Ukraynanın 2 iyun danışıqları ilə bağlı mövqeyi bəlli olub..?
Dünya 29 May 18:55BMT Təhlükəsizlik Şurası bu gün Ukrayna ilə bağlı iclas keçirəcək
Dünya 29 May 18:4511 sığorta agentinin lisenziyasının qüvvəsi dayandırılıb
İqtisadiyyat 29 May 18:40Bunun baş verə biləcəyinə heç kim inanmırdı..?
Dünya 29 May 18:38Ursula Fon der Lyayen “Karl” mükafatına layiq görülüb
Dünya 29 May 18:36Fırıldaqçılar Daxili İşlər Nazirliyinin saytını saxtalaşdırıblar...
Dünya 29 May 18:33Yüzlərlə iş adamı Kosovonun paytaxtına gedən yolları bağlayıb
Dünya 29 May 18:26Reuters: "Tramp-ın tarif siyasəti yeni dönüş edir..."
Dünya 29 May 18:14Cinayətkar ermənilərin məhkəməsi davam etdirilib...
Siyasət 29 May 18:11“Konstitusiya və Suverenlik İli”: mədəni dəyərlər və milli birlik - konfrans
Təhsil 29 May 18:10Ruslar arasında ən populyar MDB ölkələri hansılardır..?
Turizm 29 May 18:05UNEC-də Universitetlər və İşəgötürənlərin I Beynəlxalq Forumu keçirilib
Təhsil 29 May 18:03Putin Krımın Rusiyaya birləşdirilməsinin səbəbini açıqlayıb...
Dünya 29 May 17:58Ərdoğan Superliqa çempionu olan “Qalatasaray” komandasını qəbul edib
İdman 29 May 17:57Laçından verilən tarixi mesaj: qardaşlıq və əməkdaşlığın möhkəmləndirilməsi
Siyasət 29 May 17:55Laçın Zirvəsindən dostluq və qardaşlıq mesajları
Siyasət 29 May 17:35Nazir Fərid Əhmədov Özbəkistanda IV Beynəlxalq Hüquq Forumunda iştirak edir
Siyasət 29 May 17:28Azərbaycanın dörd cüdoçusu kata üzrə Avropa çempionatında iştirak edəcək
İdman 29 May 17:26Samir Şərifov tacikistanlı həmkarı ilə görüşüb
İqtisadiyyat 29 May 17:17"Qanunlara riayət etmə səviyyəsi azalır" - MÜNASİBƏT BİLDİRİLDİ
Sosial 29 May 17:14"Dəyişimin baş verməsi qısa zaman ərzində real görünmür" - ŞƏRH EDİLDİ
Siyasət 29 May 17:07FHN qar uçqunu təhlükəsi ilə əlaqədar əhaliyə müraciət edib
Hadisə 29 May 16:54Aqrar Xidmətlər Agentliyinin sədri təsərrüfatlara baş çəkib - FOTOLAR
İqtisadiyyat 29 May 16:53"Məktəblərdə məsələ ciddi nəzarətdə saxlanmalıdır" - DİETOLOQ RƏYİ
Sosial 29 May 16:44"Bu ərazilərə yeni həyat və yeni nəfəs gəlmək üzrədir" - MÜNASİBƏT BİLDİRİLDİ
Siyasət 29 May 16:38Keçmiş müsavatçı Əli Kərimlinin “PKK” ilə əlaqələrini ifşa etdi TƏHLİL
Siyasət 29 May 16:35Laçın Hava Limanın açılışına paytaxt sakinlərinin BAXIŞI - SORĞU
Sosial 29 May 16:30Hesablama Palatası ACCA ilə əməkdaşlıq edə bilər
İqtisadiyyat 29 May 16:27Küləkli hava şəraiti ilə bağlı sarı xəbərdarlıq verilib
Hadisə 29 May 16:22Laçın rayonunun Bəylik kəndinə növbəti köç karvanı çatıb
Sosial 29 May 16:20Uşaq telefona deyil, həyata bağlanmalıdır - SAKİNLƏR DANIŞDI - SORĞU
Sosial 29 May 16:20Azərbaycan Xalq Cümhuriyyəti Şərqin ilk demokratik respublikasıdır
Siyasət 29 May 16:18Özəl xəbərlər
Digər xəbərlərLaçından verilən tarixi mesaj: qardaşlıq və əməkdaşlığın möhkəmləndirilməsi
Siyasət 29 May 17:55Nazir Fərid Əhmədov Özbəkistanda IV Beynəlxalq Hüquq Forumunda iştirak edir
Siyasət 29 May 17:28"Qanunlara riayət etmə səviyyəsi azalır" - MÜNASİBƏT BİLDİRİLDİ
Sosial 29 May 17:14"Dəyişimin baş verməsi qısa zaman ərzində real görünmür" - ŞƏRH EDİLDİ
Siyasət 29 May 17:07"Məktəblərdə məsələ ciddi nəzarətdə saxlanmalıdır" - DİETOLOQ RƏYİ
Sosial 29 May 16:44"Bu ərazilərə yeni həyat və yeni nəfəs gəlmək üzrədir" - MÜNASİBƏT BİLDİRİLDİ
Siyasət 29 May 16:38
Redaktorun seçimi
Köşə yazıları
Populyar
Valyuta məzənnəsi
-
USD 1,7000
0,00%
-
EUR 1,9122
-1,16%
-
GBP 2,2849
-0,85%
-
RUB 2,1280
+0,08%

2008-2025. Səs İnformasiya Agentliyi, Bütün hüquqlar qorunur. Məlumatlardan istifadə etdikdə istinad mütləqdir.
İfadə olunan fikirlərə sayt məsuliyyət daşımır.
Ünvan: Ü. Hacıbəyov küçəsi, 66; Bakı, Azərbaycan.
Email: [email protected] Tel.: (+994 12) 598-33-90; Faks: (+994 12) 493-11-62;