Dünya birjalarında neft bahalaşıb. SİA xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,45 dollar və ya 0,92% artaraq 49,11 dollar təşkil edib.
ICE London qitələrarası birjasında Brent markalı neftin 1 barelinin dəyəri isə 0,77 dollar və ya 1,44% artaraq 54,15 dollar olub.
Beləliklə, Brent markalı neftin qiyməti mayın 25-dən etibarən ilk dəfə 54 dolları ötüb.
"Qara qızıl"ın bahalaşdıran amilə gəlincə, buna səbəb ABŞ-da neftə olan tələbatın artması və OPEC+ tərəfindən hasilatın azaldılmasına dair razılaşmanın müddətinin uzadılmasıdır.
Müəllif: Ruqiyyə Nəcəfzadə
Bütün xəbərlər Facebook səhifəmizdə
USD
EUR
GBP
RUB