Ümumi
Daxili Məhsul ( ÜDM ) 2011-cu ilin yanvar-avqust aylarında ötən ilin müvafiq
dövrü ilə müqayisədə 1.1 faiz, yaxud müqayisəli qiymətlərlə 292.5 milyon manat çox əlavə dəyər
istehsal olunub və onun ümumi həcmi 30.9 milyard
manata çatdırılıb. SİA-nın Dövlət Statistika Komitəsinin rəsmi saytına istinadən
verdiyi məlumata görə, ÜDM-in
66.8 faizi məhsul istehsalı sahələrində, o cümlədən 53.3 faizi sənaye müəssisələrində,
7.3 faizi inşaat kompleksində, 6.2 faizi isə aqrar bölmədə
istehsal olunub.
Xidmət sahələrində
yaradılmış əlavə dəyərin 6.0 faizi nəqliyyat, 8.3 faizi ticarət, pullu xidmət və
ictimai iaşə, 1.7 faizi rabitə, 11.3 faizi digər sahələrin
payına düşür. Məhsula və
idxala tətbiq olunmuş vergilər ÜDM-in 5.9 faizini təşkil
edib. Orta hesabla adambaşına 3418.4 manatlıq (4320.6 ABŞ dolları) ÜDM
istehsal olunub.
Qeyri-neft sektorunda əlavə dəyər istehsalı 8.5 faiz artıb, neft sektorunda isə 6.2
faiz azalıb.
Bütün xəbərlər Facebook səhifəmizdə
USD
EUR
GBP
RUB
