“Atəşgah Həyat” Azərbaycanın GSM operatorlarının əməkdaşlarını istehsalatda bədbəxt hadisələrdən sığortalayıb
Azərbaycanda ilk həyat sığortası şirkəti, "Atəşgah" Sığorta Qrupuna daxil olan "Atəşgah Həyat" SŞ Azərbaycanın üç GSM operatorun - Azercell Telecom, Bakcell və Azerfon (Nar Mobile və Azerfon-Vodafone) əməkdaşlarının istehsalatda bədbəxt hadisələrdən icbari sığortasını həyata keçirib.
Şirkətdən SİA-ya verilən xəbərə görə, onlar 2010-cu ilin dekabrından tətbiq olunan "İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında" Azərbaycan Respublikası Qanununa uyğun olaraq sığortalanıb.
Qanun Azərbaycan Respublikasında istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta sahəsində münasibətləri tənzimləyir, bu münasibətlərin hüquqi, iqtisadi və təşkilati əsaslarını müəyyən edir.
"Atəşgah Həyat" SŞ – 2008-ci ilin dekabrında Azərbaycanda təsis edilmiş ilk həyat sığortası şirkəti, bu qanunla bağlı sığorta xidmətlərini 2010-ci ilin dekabrından təqdim etməyə başlayıb.
Bütün xəbərlər Facebook səhifəmizdə
USD
EUR
GBP
RUB