"2024-cü ildə işğaldan azad edilmiş ərazilərə 3.8 milyard manata qədər investisiya qoyulacaq". Bu barədə SİA-ya açıqlamasında iqtisadçı ekspert Xalid Kərimli deyib.
Ekspertin sözlərinə görə işğaldan azad edilmiş ərazilərdə hər şey dağılıb, sıfırdan şəhərlər, qəsəbələr salınır, yollar tikilir, yaşayış məntəqələri salınır: "Enerji infrastrukturu qurulur, dəmiryolu xətti çəkilir, aeroportlar salınır".
X.Kərimli bildirib ki, işğalda olmayan regionlarda da vəziyyət ürəkaçan deyil: "Hesab edirəm ki, regionlara da diqqət qalmalıdır. Qarabağ və Şərqi Zəngəzurun bərpası bizim üçün vacibdir, amma geridə qalan 80%-lik ərazimizdə də həyatın yaxşılaşdırılması, insanların sosial xidmətlərə, kommunal xidmətlərə əlçatanlığının artırılması istiqamətində addımlar davamlı olmalıdır. Qarabağ və Şərqi Zəngəzurun bərpası digər regionları inkişaf etdirilməsini kölgədə saxlamamalıdır".
Bütün xəbərlər Facebook səhifəmizdə
USD
EUR
GBP
RUB