Bolqarıstanın Azərbaycandakı səfirliyi öz ölkəsinin Milli Günü münasibətilə “Bolqarıstan uşaqların gözü ilə” onlayn rəsm müsabiqəsinin qaliblərini mükafatlandırıb. SİA-nın məlumatına görə, müsabiqədə 6-10 yaş və 11-16 yaşınadək olan balaca rəssamlar iştirak ediblər.
Müsabiqədə 100-dən çox uşaq iştirak edib. Onlar Bolqarıstanın ruhunu, adət və ənənələrini, təbiətini böyük istedad və bacarıqla sərgiləyiblər.
Bolqarıstanın ölkəmizdəki səfiri Nikolay Yankov vurğulayıb ki, müsabiqənin əsas məqsədi Azərbaycan və bolqar xalqını mədəniyyət vasitəsilə bir araya gətirməkdən ibarətdir.
Münsiflər heyətinin rəyinə görə, 6-10 yaşınadək uşaqların arasında Məryam Movlamlı birinci, Dəniz Quliyeva ikinci, Zəhra Əbdürəhmanlı üçüncü yeri tutublar. 11-16 yaşınadək uşaqlar arasında Mədinə Həmzətova birinci, Gülxanım Əmirli ikinci, Ülkər Əliyeva üçüncü yerə layiq görülüblər.
Uşaqlara göstərdikləri xüsusi dəstəyə görə İncəsənət Gimnaziyası və 3 nömrəli Uşaq və Gənclərin İnkişafı Mərkəzinə xüsusi mükafatlar təqdim edilib.
Uşaqların sənət əsərləri Bolqarıstan səfirliyinin rəsmi internet səhifəsində, eləcə də “Facebook” səhifəsində nümayiş olunur.
Bütün xəbərlər Facebook səhifəmizdə
USD
EUR
GBP
RUB