Müğənni Manizha Avroviziya-2021 mahnı müsabiqəsində Rusiyanı təmsil edəcək
Müğənni Manizha Avroviziya-2021 mahnı müsabiqəsində Rusiyanı təmsil edəcək.
SİA “RİA Novosti”yə istinadən xəbər verir ki, ifaçı “Russian woman” mahnısını səsləndirəcək.
Avroviziya iştirakçısının xüsusi şouda səsvermə yolu ilə müəyyənləşdirildiyi deyilir. İddiaçılar arasında Manizha, #2Mashi və Therr Maitz yer alıb.
Avroviziya-2021 18-22 may tarixlərində Rotterdamdakı Ahoy arenasında keçiriləcək və 41 ölkədən ifaçılar iştirak edəcəklər. Təşkilatçıların sözlərinə görə, müsabiqə oflayn-formatda keçiriləcək, ancaq nümayəndə heyətlərinin tərkibi və jurnalistlərin sayı azaldılacaq. Tamaşaçıların da qatılıb-qatılmayacağı hələlik məlum deyil.
Qeyd edək ki, ötən il Avroviziya müsabiqəsi koronavirus pandemiyası səbəbindən ləğv edilmişdi.
Bütün xəbərlər Facebook səhifəmizdə