Şəhid Elnur Əliyevə həsr olunmuş sənədli-bədii filmin təqdimatı keçirilib FOTOLAR

Sumqayıt Regional Mədəniyyət və Turizm idarəsinin Nəriman Nərimanov adına Mədəniyyət Mərkəzində Prezident Yanında Qeyri-Hökümət Təşkilatlarına Dövlət dəstəyi Şurasının maliyyə dəstəyi ilə şəhid Elnur Əliyevin həyatından bəhs edən "Şəhidlik Zirvəsi" qısametrajlı sənədli-bədii filmin təqdimatına həsr olunmuş tədbir keçirilib. SİA-nın məlumatına görə, tədbirdə Sumqayıt Dövlət Rəsm Qalereyası tərəfindən Aprel doyuşlərində şəhid olan igidlərin portretlərindən ibarət səyyar sərgi təşkil olunub. Sərgidə şəhid Əbdülməcid Axundov, Seymur Baxışov, Murad Məmmədovun portretləri ilə yanaşı Əməkdar İncəsənət xadimi Vaqif Nəzirov və Tofiq Əhmədovun birgə ərsəyə gətirdiyi “Vətən şəhidləri ilə ucalır”, Ellada Həsənovanın “Vətən sərhəddən başlayır”, ”Vətənin keşiyində”, İntiqam Cəfərovun “Dərdli qadın”, Nigar Qurbanovanın “Ana fəryadı”, “Tənha qadın”, “Tariximizin izləri” adlı əsərləri nümayiş olunub.

Tədbirə Millət vəkili Qənirə Paşayeva qatılaraq rəssamlarla səmimi söhbət edib, onlara bu mövzuda yeni əsərlər ərsəyə gətirmələrini tövsiyə edib.

Sonda Əməkdar İncəsənət Xadimi Vaqif Nəzirovun illusturasiyaları əsasında tərtib olunmuş ”Sirr və Açar” adlı kitabı Qənirə Paşayevaya təqdim olunub.

Bütün xəbərlər Facebook səhifəmizdə