Oktyabr ayının 16-dan 30-dək Bakıda "Bakı Caz Festival"ı keçiriləcək. SİA-nın məlumatına görə, bu festival dünyanın ən irimiqyaslı festivallarından biri olacaq. Festivalda Azərbaycan ilə yanaşı, əcnəbi caz ifaçıları da iştirak edəcək.
Artıq festivalın keçiriləcəyi məkanlar və iştirak edəcək caz ifaçılarının adı məlumdur. İştirakçılar arasında Mat Bianko, Al di Miola, Keiko Matsui, Monti Aleksandr, Vijay İyer Trio, Erik Vloeimaens, Diane Rives, eləcə də Jazzamor və Şakatak qrupları var.
Açılış mərasimi oktyabr ayının 16-da Heydər Əliyev adına Sarayda olacaq. Ümumilikdə isə festivalda iştirak edəcək caz ifaçılarının konsertləri M. Maqomayev adına Azərbaycan Dövlət Filarmoniyasında, Muğam Mərkəzində, S. Vurğun adına Rus Dram Teatrında, Bakı Caz Mərkəzində və "World Fashion" klubunda olacaq.
Bakı Caz Festivalının proqramı belədir:
Rəsmi açılış -16.10.2010
Mat Bianko - 17.10.2010
Şakatak - 20.10.2010
Al di Meola - 23.10.2010
Omar - 23.10.2010
Monti Aleksandr - 24.10.2010
Artur Dutkevix - 25.10.2010
Vijay İyer Trio - 26.10.2010
Erik Vloemans - 27.10.2010
Keyko Matsu - 28.10.2010
Mayk Minieri - 29.10.2010
Cazamor - 29.10.2010
Dian Rives - 30.10.2010
Bağlanış mərasimi - 30.10.2010
Azərbaycanı bu nüfuzlu festivalda 2009-cu il Montre Caz Festivalının qalibi, gənc cazmen İsfar Sarabski təmsil edəcək. Dahi Vaqif Mustafazadənin yadigarı Əzizə Mustafazadə və tanınmış gürcü cazmeni Nino Katamadze bəzi səbəblərdən festivalda iştirak edə bilməyəcək.
Məlumat üçün bildirək ki, festival Mədəniyyət və Turizm Nazirliyinin və "SWEET PRODUCTION"ın təşkilatçılığı ilə reallaşacaq.
Qeyd edək ki, Beynəlxalq Caz Festivalı artıq ikinci dəfədir ki Bakıda keçirilir. Sözügedən festival bu il olduğu kimi ötən il də oktyabr ayında baş tutub.
Bütün xəbərlər Facebook səhifəmizdə
USD
EUR
GBP
RUB