Mədəniyyət və Turizm Nazirliyi, Milli Kulinariya Mərkəzi (MKM) və Milli Kulinariya Assosiasiyası İTV ilə birlikdə 20-22 iyulda Bakıda Azərbaycanın Milli Mətbəx Çempionatını keçirəcək. Bu barədə SİA-ya kulinariya mərkəzinin direktoru Tahir Əmiraslanov məlumat verib.
Onun sözlərinə görə, çempionat onlayn sistemi ilə üç dildə bütün dünyaya yayımlanacaq: "Tədbirdə 12 regionun (Şuşa, Ağcabədi, Bərdə, İsmayıllı, Qax, Quba, Gəncə, Şəki, Gədəbəy, Şamaxı, Zaqatala, Tovuz ) iştirakı nəzərdə tutulub. Qarabağ mətbəxini çempionatda Şuşa, Bərdə və Ağcabədi rayonları təmsil edəcək".
"Münsiflər heyətində Azərbaycan Milli Kulinariya Assosiasiyasının ( AMKA ) peşəkar üzvləri və AMKA-nın dəfələrlə Beynəlxalq çempionatlarda münsiflər heyətində çıxış edən texnoloq və kulinarları da olacaq. Qalib gələn komandalar Azərbaycan mətbəxini xarici ölkələrdə keçirilən tədbirlərdə təmsil edəcək. Bundan əlavə 2012-2013-cü illərdə "Azərbaycanın Milli Mətbəx Mədəniyyəti Paytaxtı" adına layiq görüləcək rayon da qaliblər arasından seçiləcək"- deyə o əlavə edib.
Məlumat üçün bildirək ki, yarış sabah 18.00-da açılacaq.
Hər komanda 4 nəfər iştirakçıdan ibarətdir.
20 iyulda kababçıların yarışı,
21 iyulda sac yarışı (sac üstü kətə, fəsəli, yuxa və s.) ,
22 iyulda isə plov yarışları nəzərdə tutulub.
Çempionatdan sonra mükafatlandırma mərasimi keçiriləcək.
Bütün xəbərlər Facebook səhifəmizdə
USD
EUR
GBP
RUB